ان دو آن لائن گیمنگ کمپنیوں ونزو اور گیمزکرافٹ پر الگورتھم کے ساتھ چھیڑ چھاڑ کا الزام ہے جس سے صارفین کو نقصان پہنچا ہے۔ ان الزامات کے بعد منگل کو ۱۱؍مقامات پر چھاپے مارے گئے۔

ای ڈی نے منگل کو آن لائن گیمنگ کمپنیوں پر چھاپہ مارا۔ونزو اور گیمزکرافٹ ان کمپنیوں میں شامل ہیں۔ ای ڈی نے ان دو کمپنیوں کے تقریباً۱۱؍ مقامات پر چھاپے مارے ہیں، جو بنگلورو اور دہلی سے کام کرتی ہیں۔ ای ڈی کی کارروائی کمپنیوں کے خلاف لگائے گئے الزامات کی وجہ سے ہوئی ہے۔ دونوں کمپنیوں پر الزام ہے کہ انہوں نے الگورتھم کے ساتھ چھیڑ چھاڑ کر کے گیم استعمال کرنے والوں کو نقصان پہنچایا اور ان کمپنیوں کو فائدہ پہنچایا۔

یہ بھی پڑھئے:شبھ من گل کا کھیلنا ان کی فٹنیس پر منحصرکرے گا

اس معاملے میں اب تک موصول ہونے والی معلومات کے مطابق جن ۱۱؍ مقامات پر چھاپے مارے گئے ہیں ان میں بنگلورو میں پانچ، دہلی میں چار اور گڑگاؤں کے دو مقامات شامل ہیں۔ ای ڈی کے بنگلورو دفتر نے یہ چھاپے مارے۔اطلاعات کے مطابق ای ڈی نےونزو اور گیمزکرافٹ  کے سی ای او، سی او او اور سی ایف او کے گھروں پر چھاپہ مارا ہے۔ اس چھاپے کے دوران، ای ڈی ایسے شواہد تلاش کر رہی ہے جو الگورتھم سے چھیڑ چھاڑ کی تصدیق کر سکیں۔بات یہیں ختم نہیں ہوتی۔ ای ڈی کی تلاش میں یہ بھی انکشاف ہوا کہ پروموٹرز کے پاس کرپٹو  والیٹ ہیں، جس سے یہ شبہ پیدا ہوتا ہے کہ وہ کرپٹو والٹس کے ذریعے پیسہ لانڈرنگ کر رہے ہیں۔

یہ بھی پڑھئے:یہ مجھے چور کی طرح دکھاتاہے: سمیر وانکھیڈے نے بیڈز آف بالی ووڈ کے تعلق سے کہا

آن لائن گیمنگ کمپنیوں کے خلاف کیا الزامات ہیں؟
ونزو اور گیمزکرافٹ کے صارفین الزام لگاتے ہیں کہ وہ اپنی ایپس میں الگورتھم میں ہیرا پھیری کرتے ہیں، جس سے صارفین کو پریشانی ہوتی ہے۔آن لائن گیمنگ کمپنیاں جیسے ڈریم الیون، مائی ڈریم سرکل، ونزو، زووپی  اور پوکر بازی   اصلی پیسے والے گیمز ہیں۔ اس کا مطلب ہے کہ صارفین کو انہیں کھیلنے کے لیے ادائیگی کرنا پڑتی تھی۔ تاہم، یکم اکتوبر کو، ہندوستانی  حکومت نے آن لائن گیمنگ کے فروغ اور ضابطے کا نفاذ کیا، جس سے ان کمپنیوں کو اپنا کام بند کرنا پڑا۔آن لائن گیمنگ کمپنی گیمز کرافٹ نے رواں سال اگست میں اعلان کیا تھا کہ وہ حکومت کے فیصلے کو چیلنج نہیں کرے گی۔ گیمز کرافٹ نے کہا کہ اس نے پہلے ہی اپنے اصلی پیسے والے کھیل بند کر دیے ہیں۔