خواتین کی فلاح و بہبود کے لیے ایک بڑے اقدام کے تحت تمل ناڈو کے وزیر اعلیٰ وجے نے پیر کو خواتین کیلئے۲؍اہم اسکیموں کا اعلان کیا۔ ان میں ’انّاپورنی سپر سکس‘ اسکیم کے تحت سالانہ تین مفت ایل پی جی سلنڈر اور ریاست بھر میں تمام سرکاری بسوں، بشمول ایکسپریس، ایل ایس ایس اور ڈیلکس بسوں میں مفت سفر کی سہولت میں توسیع شامل ہے۔ اسمبلی میںاعلان کرتے ہوئے وجے نے کہا کہ مفت ایل پی جی اسکیم جنوری میں ہونے والے پونگل تہوار سے شروع کی جائے گی، جبکہ مفت بس سفر کی توسیع ۲؍اکتوبر،  گاندھی جینتی سے نافذ ہوگی۔

 

 

وجے نے بتایا کہ’انّاپورنی‘ اسکیم سے ایک کروڑ ۳۰؍ لاکھ خاندانوں کو فائدہ ہوگا۔مفت سلنڈروں سے ان خواتین کے گھریلو اخراجات کا بوجھ کم ہوگا جو مغربی ایشیا کی جنگ کے باعث ایل پی جی کی قیمتوں میں اضافےسے متاثرہیں۔ انہوں   نے کہا کہ سلنڈروں کی قیمت براہ راست مستحقین کے بینک کھاتوں میں جمع کرائی جائے گی۔