جشن آزادی کے سلسلے میں ناندیڑ میونسپل کارپوریشن کی جانب سے شہر بھر میں تقریبات کے انعقاد کا سلسلہ جاری ہے۔ اسی مناسبت سے ناندیڑ ڈسٹرکٹ رولر اسکیٹنگ ایسوسی ایشن  نے ایک منفرد اور پرجوش ’ترنگا ریلی‘ کا انعقاد کیا، جس نے شہریوں کے دل جیت لئے۔

جشن آزادی کے سلسلے میں ناندیڑ میونسپل کارپوریشن کی جانب سے شہر بھر میں تقریبات کے انعقاد کا سلسلہ جاری ہے۔ اسی مناسبت سے ناندیڑ ڈسٹرکٹ رولر اسکیٹنگ ایسوسی ایشن  نے ایک منفرد اور پرجوش ’ترنگا ریلی‘ کا انعقاد کیا، جس نے شہریوں کے دل جیت لئے۔
 اس موقع پر ایسوسی ایشن کے تحت رولر اسکیٹنگ سیکھنے والے درجنوں طلبہ نے اپنے ہاتھوں میں ترنگا پرچم تھامے اسکیٹنگ گراؤنڈ کے کئی چکر لگائے اور حب الوطنی کے جذبے کا مظاہرہ کیا۔شدید بارش کے دوران بھی  بچوں کے جوش و خروش، پرچم کے ساتھ اسکیٹنگ کے مناظر اور’جے ہند‘ کے گونجتے نعروں نے ماحول کو وطن کی محبت سے سرشار کر دیا۔رولر اسکیٹنگ ایسوسی ایشن کے کوچ علیم خان اور ان کے بھائی عمران خان نے طلبہ کو اس موقع کیلئے خصوصی تربیت فراہم کی۔ اس ترنگا ریلی کو شہر کے مختلف حلقوں میں زبردست پذیرائی ملی۔ کوچ عمران خان اور علیم خان کے علاوہ تمام طلبہ کو یومِ آزادی کی پرخلوص مبارکباد دی گئی اور اس جذبۂ حب الوطنی کی ستائش کی گئی۔
 ریلی کو کامیاب بنانے میں علیم خان اور عمران خان کے علاوہ ایسوسی ایشن کی ٹیم میں شامل امتیاز خان،وجئے کمار پاٹنی،اور نندو کارنے اہم رول ادا کیا ۔واضح رہے کہ ناندیڑ ڈسٹرکٹ رولر اسکیٹنگ ایسوسی ایشن  پچھلے ۳؍ سال سے خدمات انجام دے رہی ہے ۔اب تک اس  ادارہ کے کئی  طلبہ نے قومی اور بین الاقوامی سطح پر مختلف ایوارڈ حاصل کرکے اپنا اور اپنے شہر کا و ملک کا نام روشن کیا ہے ۔کوچ علیم خان  کے نام مسلسل ۱۰۰؍ گھنٹوں تک اسکیٹنگ کرنے کا ریکارڈ ہے جسے گنیز بک آف ورلڈ ریکارڈ   میں جگہ دی گئی ہے۔