فیفا ورلڈ کپ ۲۰۲۶ء کے سیمی فائنل میں ارجنٹائنا اور انگلینڈ کے درمیان ہونے والے اہم مقابلے سے قبل ایک دلچسپ اعداد و شمار شائقین کی توجہ کا مرکز بن گیا ہے۔ امریکی ریفری اسماعیل الفتح اس میچ میں فرائض انجام دیں گے۔

فیفا ورلڈ کپ ۲۰۲۶ء کے سیمی فائنل میں  ارجنٹائنا  اور انگلینڈ کے درمیان ہونے والے اہم مقابلے سے قبل ایک دلچسپ اعداد و شمار شائقین کی توجہ کا مرکز بن گیا ہے۔ امریکی ریفری  اسماعیل الفتح  اس میچ میں فرائض انجام دیں گے اور ان کی نگرانی میں لیونل میسی کی ارجنٹائنا کی ٹیم آج تک کوئی بین الاقوامی میچ نہیں ہاری۔

یہ بھی پڑھئے:آئی ایف ایف ایم میں رانی مکھرجی کو اعزازی ڈاکٹریٹ سے نوازا جائے گا

اسماعیل الفتح کے ساتھ ارجنٹائنا کا ناقابلِ شکست ریکارڈ
اسماعیل الفتح گزشتہ کئی برسوں سے فیفا کے قابلِ اعتماد ریفریز میں شمار ہوتے ہیں اور متعدد بڑے بین الاقوامی مقابلوں میں ریفری کے فرائض انجام دے چکے ہیں۔ میسی کی قیادت میں ارجنٹائنا نے الفتح کی نگرانی میں جتنے بھی بین الاقوامی میچ کھیلے، ان میں یا تو کامیابی حاصل کی یا کم از کم شکست سے بچ گئی۔ یہی وجہ ہے کہ ارجنٹائنا کے بہت سے شائقین انہیں اپنی ٹیم کے لیے  خوش قسمت ریفری  تصور کرتے ہیں۔
کیا یہ محض اتفاق ہے؟
فٹبال میں توہم پرستی اور خوش قسمتی کے تصورات ہمیشہ سے موجود رہے ہیں۔ ارجنٹائنا نے اس ورلڈ کپ میں انگلینڈ کے خلاف اپنا روایتی نیلا اوے کٹ پہننے کی درخواست بھی اسی روایت (کابالا)(Cabala) کے تحت کی، جس کے مطابق کامیاب روایات کو دہرانا خوش قسمتی لاتا ہے۔ اسی تناظر میں اسماعیل الفتح کا ناقابلِ شکست ریکارڈ بھی شائقین کے لیے امید کی ایک اور علامت بن گیا ہے، اگرچہ بہت سے مبصرین اسے صرف ایک دلچسپ اتفاق قرار دیتے ہیں۔
اسماعیل الفتح کا اندازِ ریفری
۴۳؍ سالہ اسماعیل الفتح اپنے پرسکون انداز کے لیے مشہور ہیں۔ وہ معمولی فاؤلز پر بار بار کھیل روکنے کے بجائے میچ کو روانی کے ساتھ جاری رکھنے کو ترجیح دیتے ہیں۔یہ انداز ایسے تخلیقی کھلاڑیوں کے لیے فائدہ مند سمجھا جاتا ہے جیسے لیونل میسی ، جو مسلسل روانی کے ساتھ کھیلنے میں زیادہ مؤثر ثابت ہوتے ہیں۔

یہ بھی پڑھئے:سرکار نے ۶۲؍ ہزار کروڑ کی لاگت سے موبائل فون مینوفیکچرنگ اسکیم کو منظوری دی

 فیصلہ میدان میں ہوگا
ریفری کی تقرری پر کافی بحث ہو رہی ہے لیکن سیمی فائنل کا فیصلہ بالآخر کھلاڑیوں کی کارکردگی کرے گی۔انگلینڈ کی مضبوط دفاعی حکمت عملی اور منظم مڈفیلڈ میسی کے لیے مشکلات پیدا کرنے کی کوشش کرے گی جبکہ ارجنٹائنا کو گیند پر کنٹرول برقرار رکھتے ہوئے میسی، جولیان الواریز اور لاوتارو مارٹینیز کے درمیان مؤثر رابطہ قائم کرنا ہوگا۔ اگر ارجنٹائنا فائنل میں جگہ بنانے میں کامیاب ہو جاتا ہے تو ایک دلچسپ ریکارڈ مزید برقرار رہے گا۔