فرانس کے کئی شہروں میں منگل کو طلبہ تحریک کی حمایت میں ہونے والے مظاہروں میں تقریباً ۵؍ لاکھ مظاہرین نے شرکت کی، جبکہ۴۸۸؍ افراد کو گرفتار کر لیا گیا۔ منتظمین کے مطابق یہ احتجاج ملک گیر سطح پر پھیل چکا ہے اور اس نے ایک بڑی عوامی تحریک کی شکل اختیار کر لی ہے۔

فرانس کے کئی شہروں میں منگل کو طلبہ تحریک کی حمایت میں ہونے والے مظاہروں میں تقریباً ۵؍ لاکھ   مظاہرین نے شرکت کی، جبکہ۴۸۸؍ افراد کو گرفتار کر لیا گیا۔ منتظمین کے مطابق یہ احتجاج ملک گیر سطح پر پھیل چکا ہے اور اس نے ایک بڑی عوامی تحریک کی شکل اختیار کر لی ہے۔حکام کے مطابق یہ تحریک مجموعی طور پر بڑی حد تک پرامن رہی ہے، تاہم بعض مقامات پر پرتشدد واقعات بھی پیش آئے ہیں، جن میں آگ لگانا، املاک کو نقصان پہنچانا اور عملے اور پولیس پر حملے شامل ہیں۔ دو ہفتوں سے زیادہ عرصے سے جاری کلاس بائیکاٹ، اسکولوں کی ناکہ بندی اور پولیس کارروائی کے نتیجے میں۶۵۰۰؍ سے زائد گرفتاریاں ہو چکی ہیں، جن میں اکثریت نابالغ طلبہ کی ہے۔

Peaceful protest by students in France is a legitimate right. What the world should be demanding today is solidarity with French students and citizens subjected to police violence, and the protection of peaceful demonstrators. @EmmanuelMacron @realDonaldTrump — where are the voices that so loudly demanded protection for peaceful protesters in Iran? We were repeatedly told that attacking peaceful demonstrators in Iran was intolerable, and that the international community had a responsibility to speak out and stand with them. So why the silence now? Why does the same outrage suddenly disappear when peaceful protesters are being beaten and confronted by French police in the streets of France? Human rights cannot depend on geography. Freedom of protest cannot have one standard for Iran and another for France. If peaceful protesters deserve protection in Tehran, they deserve protection in Paris too. The world must not look away.

— أدهم أبو سلمية (@AdhamSelmiya) October 6, 2026

واضح رہے کہ طلبہ کی قیادت میں یہ تحریک ستمبر کے آخر میں عملے کی کمی، کلاس رومز میں حد سے زیادہ بھیڑ اور اسکولوں کی ناکافی سہولیات کے خلاف شکایات پر شروع ہوئی تھی۔ طلبہ کا کہنا ہے کہ برسوں سے تعلیمی نظام میں سرمایہ کاری کی کمی، اساتذہ کی کمی اور خستہ حال عمارتوں نے تعلیم کے معیار کو شدید متاثر کیا ہے۔بعد ازاں طلبہ، والدین کے گروپس اور ایمنسٹی انٹرنیشنل جیسی انسانی حقوق کی تنظیموں نے حکام پر الزام لگایا ہے کہ وہ نابالغوں کے خلاف غیر متناسب طاقت کا استعمال کر رہے ہیں۔ دوسری جانب حکومت کا مؤقف ہے کہ احتجاجی تحریک کو باہر کے عناصر نے ہائی جیک کر لیا ہے اور بعض مقامات پر یہ شہری تشدد میں بدل گئی ہے۔

یہ بھی پڑھئے: اسرائیل خانہ جنگی کا شکار ہو سکتا ہے: امریکی خفیہ رپورٹ

مزید برآں حالیہ دنوں میں پولیس تشدد کے دو سنگین واقعات نے عوامی غم و غصے کو مزید بڑھا دیا ہے۔ ایک واقعے میں فساد روکنے والی پولیس کی کارروائی کے دوران گرنیڈ پھٹنے سے۱۵؍ سالہ لڑکے کا ہاتھ اڑ گیا، جبکہ دوسرے واقعے میں پولیس کی جانب سے ربڑ کی گولیاں چلانے سے۱۶؍ سالہ نوجوان کی آنکھ زخمی ہو گئی۔ حکام کے مطابق پولیس کے رویے کی تحقیقات کے لیے کل۱۰؍ عدالتی انکوائریاں شروع کی گئی ہیں۔جبکہ مبصرین کا کہنا ہے کہ یہ تحریک اب صرف تعلیمی مطالبات تک محدود نہیں رہی بلکہ فرانس میں نوجوانوں میں پائی جانے والی بے چینی اور حکومتی پالیسیوں پر عدم اعتماد کی علامت بن گئی ہے۔