لوک سبھا میں جمعرات کو بتایا گیا کہ پیٹرول میں ایتھنول ملانے سے گاڑیوں کو کوئی نقصان نہیں ہوتا ہے۔ سڑک ٹرانسپورٹ اور شاہراہوں کے مرکزی وزیر نتن گڈکری نے وقفہ سوال کے دوران دعویٰ کیا کہ پیٹرولیم مصنوعات میں ایتھنول ملانے سے گاڑیوں کو کوئی نقصان ہوتا ہے۔

لوک سبھا میں جمعرات کو بتایا گیا کہ پیٹرول میں ایتھنول ملانے سے گاڑیوں کو کوئی نقصان نہیں ہوتا ہے۔ سڑک ٹرانسپورٹ اور شاہراہوں کے مرکزی وزیر نتن گڈکری نے وقفہ سوال کے دوران دعویٰ کیا  کہ پیٹرولیم مصنوعات میں ایتھنول ملانے سے گاڑیوں کو کوئی نقصان ہوتا ہے یا نہیں، اس کی جانچ کی گئی، جس سے واضح ہوا کہ اس سے گاڑیوں کو کوئی نقصان نہیں ہوتا ہے۔
ایک سوال کے جواب میں  مرکزی وزیر گڈکری نے کہا کہ کسانوں کو ای۲۰؍ ایندھن کے استعمال سے کافی منافع مل رہا ہے۔ اس نظام سے ملک کے کسان توانائی فراہم کرنے والے بھی بن گئے ہیں۔

یہ بھی پڑھئے:چین نے میکسیکو کی جانب سے درآمداتی محصولات میں اضافے کی مذمت کی

مرکزی وزیر پیٹرولیم ہردیپ سنگھ پوری نے ایک سوال کے جواب میں کہا کہ ای۲۰؍ ایندھن کی وجہ سے خام تیل کی درآمد میں کمی واقع ہوئی ہے۔ اس نظام سے غیر ملکی زر مبادلہ کی بچت بھی ہوئی ہے۔ انہوں نے بتایا کہ اس وقت بین الاقوامی مارکیٹ میں خام تیل کی قیمت فی بیرل۶۰۔۶۵؍ ڈالر ہے لیکن ریفائننگ، انشورنس اور دیگر عوامل سے صارفین تک پہنچتے پہنچتے پیٹرولیم مصنوعات کی قیمتوں میں اضافہ ہوجاتا ہے۔

یہ بھی پڑھئے:سائرہ بانو نے دلیپ کمار کو ان کے ۱۰۳؍ ویں یوم پیدائش پر یاد کیا

انہوں نے کہا کہ ای فیول سسٹم میں پیٹرول میں ۲۰؍ فیصد ایتھنول ملانے کا منصوبہ ہے اور فی الحال ۲ء۱۹؍سے ۴ء۱۹؍  فیصد تک ایتھنول ملایا جا رہا ہے۔۲۰؍ فیصد ایتھنول ملاوٹ کا ہدف بہت جلد شروع ہو جائے گا۔ انہوں نے مزید کہا کہ ایتھنول کی پیداوار ملک کے کسانوں کو نمایاں معاوضہ فراہم کر رہی ہے۔ ملک میں اضافی ایتھنول کی پیداوار کو دیکھتے ہوئے اس کی برآمد بھی شروع کردی گئی ہے۔