غزہ بھر میں ہونے والے اسرائیلی حملوں میںایک صحافی سمیت کم از کم ۸؍فلسطینی جاں بحق اور ۱۵؍ سے زائد زخمی ہو گئے ہیں، جس کی تصدیق ہسپتال کے حکام نے کی ہے۔

غزہ بھر میں ہونے والے اسرائیلی حملوں میںایک صحافی سمیت کم از کم ۸؍فلسطینی جاں بحق اور ۱۵؍ سے زائد زخمی ہو گئے ہیں، جس کی تصدیق ہسپتال کے حکام نے کی ہے۔ غزہ شہر میں، الشفاء میڈیکل کمپلیکس کے طبی ذرائع کے مطابق تل الہویٰ محلے میں ایک گاڑی کو نشانہ بنا کر کیے گئے اسرائیلی فضائی حملے میں پانچ فلسطینی جاں بحق اور کئی زخمی ہو گئے۔الشفاء ہسپتال کے قریبی علاقے میں ایک رہائشی اپارٹمنٹ پر اسرائیل کے ایک الگ فضائی حملے میں ایک فلسطینی خاتون جاں بحق ہو گئیں۔جنوبی غزہ میں خان یونس کے شمال میں واقع المواسی علاقے میں الاوقاف مسجد کے قریب شہریوں کے ایک اجتماع پر اسرائیلی ڈرون حملے کے نتیجے میں فلسطینی صحافی محمد عبد العزیز النجار دیگر ہلاکتوں کے ساتھ جاں بحق ہو گئے۔ناصر میڈیکل کمپلیکس نے النجار کی موت کی تصدیق کرتے ہوئے بتایا کہ دیگر زخمی افراد زیر علاج ہیں۔

یہ بھی پڑھئے:افغانستان میں پاکستان کے فضائی حملے میں۲۲؍افراد ہلاک

النجار ہولی قرآن ریڈیو کے لیے بطور براڈکاسٹر کام کرتے تھے اور عباد الرحمٰن مسجد کے امام کے طور پر خدمات انجام دے رہے تھے اور خان یونس کے مشرق میں واقع خزاعہ سے بے گھر ہونے کے باوجود اپنے میڈیا کے فرائض جاری رکھے ہوئے تھے۔ان کی موت ان کے بھائی مہند کی موت کے بعد ہوئی ہے، جو اس نسل کشی میں پہلے ہی جاں بحق ہو چکے تھے۔غزہ میں سرکاری میڈیا آفس نے تصدیق کی ہے کہ النجار کی موت کے بعد نسل کشی کی جنگ شروع ہونے کے بعد سے اب تک جاں بحق ہونے والے صحافیوں اور میڈیا ورکرز کی کل تعداد ۲۶۳؍ہو گئی ہے۔بدھ کے روز وسطی اور جنوبی غزہ میں اسرائیلی ڈرون حملوں اور فائرنگ کے نتیجے میں مزید چھ شہری زخمی ہوئے۔خان یونس کے مغرب میں ڈریم پیلس ہال کے قریب بے گھر افراد کے ایک خیمے پر ڈرون حملے میں دو بچوں سمیت چار افراد زخمی ہو گئے۔وسطی غزہ میںدیر البلح کے جنوب مشرق میں ابو العجین کے علاقے میں اسرائیلی افواج نے دو شہریوں کو شدید زخمی کر دیا۔اکتوبر۲۰۲۵ء سے اب تک جنگ بندی کی خلاف ورزیوں کے نتیجے میں۱۴۳۱؍ فلسطینی جاں بحق اور۵؍ہزار۲۶؍زخمی ہو چکے ہیں۔