اسرائیلی فوج نے رفح میں موجود فلسطینیوں کو مشرقی رفح کی جانب ہجرت کرنے کا حکم دیا ہے۔ یو این آر ڈبلیو اے نےرفح میں اسرائیلی آپریشن پر اظہار تشویش کیا اور کہا کہ ایجنسی رفح سے انخلاء نہیں کرے گی۔ حماس کے سینئر حکام نے کہا کہ اسرائیل کے رفح میں فوجی آپریشن کے سنگین نتائج سامنے آسکتے ہیں۔

اسرائیلی فوج نے رفح میں ممکنہ زمینی حملے اور فوجی آپریشن سے پہلے سرحد کے قریب مشرقی رفح میں کچھ علاقوں کا انخلاء شروع کیا ہے۔ اس حوالے سے اسرائیلی فوجی ترجمان نے مشرقی رفح کے متعدد علاقوں میں موجود فلسطینیوں اور بے گھر شہریوں کو المواسی علاقے کی جانب ہجرت کرنے کا حکم دیا ہے۔
فوجی ترجمان سے جب پوچھا گیا کہ کتنے فلسطینیوں کو انخلاء کا حکم جاری کیا گیا ہے تو انہوں نے کہا کہ تقریباً ایک لاکھ افراد کو انخلاء کا حکم دیا گیا ہے۔خیال رہے کہ عالمی برادری کی مذمت کے باوجود اسرائیلی وزیر اعظم بنجامن نیتن یاہو نے رفح میں حملے کی شروعات کر دی ہے ۔ شمالی غزہ اور جنوبی غزہ سے نقل مکانی کرنے والے کروڑوں فلسطینیوں نے رفح میں رہائش اختیار کی ہے۔

یہ بھی پڑھئے: غزہ جنگ: او آئی سی نے نسل کشی کی مذمت کی، ممبران ممالک سے اسرائیل پر پابندیاں عائد کرنے کی اپیل

رفح میں فوجی آپریشن فلسطینیوں کی پریشانیوں میں اضافہ کردے گا: یو این آر ڈبلیو اے
فلسطینی پناہ گزینوں کی بحالی کیلئے اقوام متحدہ کی ایجنسی (یو این آر ڈبلیو اے) نے رفح میں اسرائیلی آپریشن کے خوفناک نتائج پر اظہار تشویش کیا اور کہا کہ اس سے فلسطینیوں کی مشکلات اور اموات میں مزید اضافہ ہو جائے گا۔ 

Where are Palestinians supposed to evacuate? Evacuation happen when you have safe place to go, but there is no safe place to go to.
Holocaust, Rafah, Never Again#Rafah #Israel #ZionistsAreTerrorists #HolocaustMemorialDay pic.twitter.com/t5KaMYUjru

— Tauriel (@Tauriel213) May 6, 2024

یو این آر ڈبلیو اے نے اپنے ایکس پوسٹ میں لکھا کہ ’’رفح میں اسرائیل کے فوجی آپریشن کے سبب فلسطینیوں کی مشکلات بڑھ جائیں گی اور اموات میں بڑے پیمانے میں اضافہ ہوگا۔‘‘ایجنسی نے فلسطینیوں کو امداد کی فراہمی کے تعلق سے کہا کہ ’’یو این آر ڈبلیو اے رفح سے انخلاء نہیں کرے گا اور ایجنسی جب تک ممکن ہو سکے یہاں رہ کر فلسطینی شہریوں کو امداد فراہم کرنے کا کام جاری رکھے گی۔‘‘ 

Forced Displacement and evacuation of Palestainains from Rafah🇵🇸💔

May Allah protect them. pic.twitter.com/xGpim1RkOq

— 𝐌𝐚𝐥𝐜𝐨𝐥𝐦 (@Malcolm_Ishmeal) May 6, 2024

اس حملے کے سنگین نتائج سامنے آئیں گے: حماس
حماس کے سینئر حکام سمعی ابوظہری نے کہا کہ رفح میں اسرائیل کے ممکنہ زمینی حملوں سے قبل اسرائیلی فوج کی جانب سے فلسطینیوں کو انخلاء کا حکم خطرناک ہے کیونکہ اس کے سنگین نتائج سامنے آئیں گے۔

Some Palestinian families start fleeing eastern Rafah following Israel-issued evacuation orders.

⚫️Israeli forces say 100,000 Palestinians must relocate from Rafah to Al Mawasi

⚫️Now in its 213th day, Israel`s war on Gaza has already killed at least 34,683 Palestinians pic.twitter.com/7uaXdN3swT

— TRT World (@trtworld) May 6, 2024