غزہ جنگ اور امریکہ کو اسرائیل کو ہتھیار کی فراہمی کے خلاف احتجاج کے سبب کمپنیوں کے بائیکاٹ کے دوران ملائیشیا میں کے ایف سی نے اپنے ۱۰۰؍ سے زائد آوٹ لیٹس عارضی طور پر بند کر دیئے ہیں۔ ملائیشیا میں فلسطین حامی بائیکاٹ گروپ کے چیئرپرسن پروفیسر محمد نظری اسماعیل کے مطابق ملائیشیا کے متعدد باشندے امریکی کمپنیوں کو بھی اسرائیل سے متعلقہ سمجھتے ہیں جن میں کے ایف سی بھی شامل ہے۔

امریکی فاسٹ فوڈ کمپنی کے ایف سی نے ملائیشیا میں اپنے ۱۰۰؍ سے زائدآوٹ لیٹسں عارضی طور پر بند کئے ہیں کیونکہ فلسطین کی حمایت میں بائیکاٹ کے دوران امریکی کمپنی کو بھی نشانہ بنایا گیا ہے۔ خیال رہے کہ ملائیشیا میں کمپنی کے ۶۰۰؍ آوٹ لیٹس ہیں۔ اس ضمن میں پیر کو دی اسٹریٹ ٹائمز نے ایک چینی زبان کے مقامی اخبار کی رپورٹ کے حوالے سے کہا کہ ’’کیو آر ایس برانڈس‘‘، ملائیشیا میں کے ایف سی فاسٹ فوڈ کمپنی کے ریستوراں آپریٹ کرتی ہے ، نے ملک میں کمپنی کے ۱۰۸؍ آوٹ لیٹس معطل کر دیئے۔ ‘‘

Over 100 Kentucky Fried Chicken (#KFC) outlets in #Malaysia have been "temporarily closed" due to a prolonged economic boycott stemming from the Israeli genocide in #Gaza.#IsraeliNewNazism #StopArmingIsrael #GazaHolocasut #GenocideJoe #GazaGenocide #USA #Palestine pic.twitter.com/AObnfOnMcI

— Sereen (@Sereen_Sara) April 30, 2024

یاد رہے کہ  ۷؍ اکتوبر کو شروع ہونے والی اسرائیل حماس جنگ کے آغاز کے بعد امریکہ کے ذریعے اسرائیل کو مسلسل فوجی امداد اور ہتھیار کی فراہمی کے خلاف احتجاج کے دوران بائیکاٹ کے مطالبے کی وجہ سے کمپنی کو ملائیشیا میں اپنے آپریشن کم کرنا پڑا تھا۔

یہ بھی پڑھئے: ریلائنس کا کیمپا کولا کولڈ ڈرنکس مارکیٹ میں واپسی کیلئے تیار

پروفیسر محمد نظری اسماعیل، جو فلسطین حامی بائیکاٹ، ڈیویسٹمنٹ، سینکشنز ملائیشیا کے چیئرپرسن ہیں، نے سنگاپور کے ایک اخبار کو بتایا کہ ’’کے ایف سی نشانہ بنائے جانے والی کمپنیوں کی بی ڈی ایس فہرست میں نہیں ہےمگر ملائیشیا کے متعدد باشندے امریکی کمپنیوں کو بھی اسرائیل سے متعلقہ سمجھتے ہیں جن میں کے ایف سی بھی شامل ہے۔ ‘‘

#KFC #Malaysia has temporarily closed outlets in the country, citing challenging economic conditions, after local media reported that the closings were because of boycotts over the fast food chain`s perceived links to #Israel.

Malaysia, a majority-Muslim country, is a staunch… pic.twitter.com/RORcpK3g1n

— World Times (@WorldTimesWT) May 1, 2024

یاد رہے کہ بی ڈی ایس تحریک کا مطالبہ ہے کہ اسرائیل فلسطین میں اپنا قبضہ اور غیر قانونی بازآبادکاری ختم کرے ۔ فلسطین کو یکساں درجہ دیا جائے اور فلسطینی پناہ گزینوں کے حقوق کو برقرار رکھا جائے۔ ‘‘ واضح رہے کہ گزشتہ ماہ الجیریا میں امریکہ کے اسرائیل کو ہتھیار کی فراہمی کے خلاف احتجاج کے دوران کے ایف سی کی ایک شاخ کو افتتاح کے دو دن بعد بند کروایا گیا تھا۔