دنیا بھر کے اعلیٰ مالیاتی حکام نے اس ہفتے غزہ کی کی تعمیرِ نو میں مدد دینے کی اپنی آمادگی پر زور دیا ہے، جبکہ ورلڈ بینک اور اقوامِ متحدہ نے۷۰؍ ارب ڈالر کی نئی تخمینہ لاگت کو حتمی شکل دینے پر کام جاری رکھا ہوا ہے۔

دنیا بھر کے اعلیٰ مالیاتی حکام نے اس ہفتے غزہ کی کی تعمیرِ نو میں مدد دینے کی اپنی آمادگی پر زور دیا ہے، جبکہ ورلڈ بینک اور اقوامِ متحدہ نے۷۰؍ ارب ڈالر کی نئی تخمینہ لاگت کو حتمی شکل دینے پر کام جاری رکھا ہوا ہے۔ برطانوی خبر رساں ادارے ’رائٹرز‘ کی رپورٹ کے مطابق عالمی تجارتی تنظیم (ڈبلیو ٹی او) کی ڈائریکٹر جنرل انگوزی اوکونجو-ایویلا نے بتایا کہ ورلڈ بینک اور عالمی مالیاتی ادارے (آئی ایم ایف) کو مشورہ دینے والی وزارتی سطح کی ڈیولپمنٹ کمیٹی کے ارکان نے جمعرات کو ہونے والی ایک میٹنگ میں اس عمل میں درپیش چیلنجز پر تبادلہ خیال کیا تھا۔ انہوں نے کہا کہ ہم سب بہت شکر گزار ہیں کہ جنگ بندی ہو گئی ہے، قتل و غارت رک گئی ہے، یرغمالوں کو گھر واپس لایا گیا ہے اور فلسطینیوں کو خوراک مل رہی ہے۔ 

یہ بھی پڑھئے: غزہ کی تعمیر نو کیلئے فلسطینی اتھاریٹی کا۵؍سالہ منصوبہ

انہوں نے مزید کہا کہ ہم امید کرتے ہیں کہ یہ اگلے مرحلے کی جانب ایک قدم ہوگا، اور وہ مرحلہ پُرامن طریقے سے مکمل ہوگا۔ یاد رہے کہ گزشتہ روز فلسطینی اتھاریٹی نے غزہ کی تعمیرِ نوکیلئے ۳؍ مراحل پر مشتمل ۵؍سالہ منصوبہ پیش کیا تھا جس کا مقصد جنگ سے تباہ حال علاقے کو دوبارہ آباد کرنا اور اسے ریاستِ فلسطین کا فعال، مربوط اور ترقی یافتہ حصہ بنانا ہے۔