سال نو ۲۰۲۵ء سے جنریشن بیٹا (جین بیٹا) کی شروعات ہونے جارہی ہے جو ۲۰۲۵ء سے ۲۰۳۹ء کے درمیان پیدا ہوئے افراد کے گروہ پر مشتمل ہوگی۔

دنیا، جین زی ملازمین سے ہم آہنگ ہو رہی ہیں اور جین الفا ابھی پروان چڑھ رہی ہے۔ اسی درمیان، آبادی کی اگلی نسل دنیا میں قدم رکھے گی جس کا آغاز یکم جنوری ۲۰۲۵ء سے ہونے والا ہے۔ یہ نسل، جین الفا کے بعد مناسب طور پر جنریشن بیٹا کہلائے گی۔ جنریشن بیٹا (جین بیٹا Gen Beta) ۲۰۲۵ء سے ۲۰۳۹ء کے درمیان پیدا ہوئے افراد کے گروہ پر مشتمل ہوگی۔ یہ جنریشن، مصنوعی ذہانت (اے آئی) اور آٹومیشن کو بغیر کسی رکاوٹ کے روزمرہ زندگی میں ضم کرنے کی قابل ہوگی جو ان کی تعلیم، کام اور حفظانِ صحت پر اثرانداز ہوتا نظر آئے گا۔ جین بیٹا کے بچے ذاتی اظہار کے ساتھ ڈیجیٹل تعاملات کو متوازن کرتے ہوئے پائیداری اور انفرادیت کو ترجیح دیں گے۔ سماجی محقق مارک میک کرنڈل نے انکشاف کیا کہ اس جنریشن کے کئی افراد میں ۲۲ ویں صدی کے آغاز تک زندہ رہیں گے۔ واضح رہے کہ کرنڈل کو اکثر نسلی لیبلز بنانے اور ان کی وضاحت کا کریڈٹ دیا جاتا ہے۔ 

یہ بھی پڑھئے: جنوبی کوریا: آبادی میں کمی اور بڑھتی عمر سے معاشرہ معمر ہو رہا ہے

مختلف جنریشنل لیبلز کیا ہیں؟ 

۱۹۲۵ء سے ۱۹۴۵ء کے درمیان پیدا ہونے والے افراد کو بلڈرز کہا جاتا ہے۔ اس کے بعد بومرز آتے ہیں جو ۱۹۴۶ء سے ۱۹۶۴ء کے درمیان پیدا ہوئے۔ اس کے بعد جین وائی Gen Y ہے جو ۱۹۸۰ء سے ۱۹۹۴ کے درمیان پیدا ہوئے افراد کے گروپ پر مشتمل ہے۔ ۱۹۹۵ء سے ۲۰۰۹ء کے درمیان پیدا ہونے والے افراد کا گروہ جین زی Gen Z کہلاتا ہے جبکہ ۲۰۱۰ء سے ۲۰۲۴ء کے درمیان پیدا ہوئے افراد جین الفا Gen Alpha کہلاتے ہیں۔ 

اب، جین الفا کے بعد اگلی نسل جین بیٹا ہے۔ جین زی کے بعد سے یونانی حروف تہجی کو جنرل الفا سے شروع ہونے والی نسلوں کو لیبل کرنے کے لئے استعمال کیا جا رہا ہے تاکہ انسانی تاریخ میں ایک نئے دور کے آغاز کو نشان زد کیا جا سکے۔ میک کرنڈل کے مطابق، بومرز مختلف توقعات کے ساتھ اپنے ریٹائرمنٹ میں داخل ہو رہے ہیں، جبکہ بلڈرز تعلقات پر زیادہ توجہ دے رہے ہیں اور ایک میراث کی تعمیر کر رہے ہیں۔ نسلی تبدیلی کی رفتار تیز ہو رہی ہے اور اداروں کو ان تبدیلیوں کو تسلیم کرنے کی ضرورت ہے۔ 

یہ بھی پڑھئے: ۲۰۲۴ء بچوں کیلئے اب تک کا بدترین سال رہا، ہم بچوں کی امید توڑ رہے ہیں: یونیسیف

کرنڈل مزید لکھتے ہیں کہ جین بیٹا، ٹیکنالوجی اور اے آئی کی دنیا میں پروان چڑھے گی۔ اس کے لئے، ڈیجیٹل اور جسمانی دنیا مزید ہموار ہوں گی۔ جنریشن الفا نے اسمارٹ ٹکنالوجی اور اے آئی کا عروج دیکھا لیکن جنریشن بیٹا ایک ایسے دور میں زندہ رہے گی جہاں روزمرہ کی زندگی میں تعلیم اور ملازمت کی مقامات سے لے کر حفظانِ صحت اور تفریح میں، اے آئی اور آٹومیشن مکمل طور پر سرایت کرچکے ہوگے۔ انہوں نے مزید لکھا کہ جنریشن بیٹا بھی دنیا کی ایک وارث ہوگی۔ بڑے سماجی چیلنجوں سے نمٹنا، موسمیاتی تبدیلی، عالمی آبادی کی تبدیلی، تیزی سے شہری کاری اور پائیدار ترقی ان کی ترجیحات میں شامل ہوگی۔ کرنڈل کے مطابق، ہم پیش گوئی کرتے ہیں کہ جنریشن بیٹا ہائپر کنیکٹیویٹی اور ذاتی اظہار کے درمیان توازن کو مجسم کرے گی۔