این ڈی آر ایف کی ٹیم نےلوگوں سے گھروں میںرہنے کی اپیل کی ہےجبکہ مدد کی ضرورت پڑنے پر مطلع کرنے کو کہا ہے

غازی آباد کی دولت نگر نامی کالونی میں ۲؍ دنوں سےجاری مسلسل بارش کی وجہ سے دریا اور ندیوںکا پانی گھروں میں داخل ہوگیا ہے۔ ذرائع کے مطابق این ڈی آر ایف کی ٹیم نے اتوار کی رات ۳۳؍ لوگوں کو بچایا تھاجبکہ  کئی خاندان اب بھی گھروں میں پھنسے ہوئے ہیں۔ گھروں میں ۵؍تا ۱۲؍فٹ تک پانی بھرا ہوا ہے۔ مختلف علاقوں میں لوگ تیراکی کے ذریعے گھروں سے باہرنکلنے پر مجبور ہیں ۔ راحت رسانی کے ذریعے محفوظ کئے گئے لوگوں کو قریبی شیلٹر ہوم بھیج دیا گیا ہے جہاں ان کے کھانے پینے کا انتظام کیا گیا ہے۔
واضح رہے کہ غازی آباد کی دولت نگر کالونی کافی ڈھلوان پر بنی ہوئی ہے جہاں تقریباً ۶۰؍ تا ۷۰؍گھروںکے۲۵۰؍لوگ رہتے ہیں۔بتایا جا رہا ہے کہ بہت سے افراد جان بچانے کیلئے چھت پر چڑ گئے تھے۔انتظامیہ نے لوگوں سےگھروں میں رہنے کی اپیل کی ہے جبکہ مدد کی ضرورت پڑنے پر این ڈی آر ایف کی ٹیم کو مطلع کرنے کو کہا ہے ۔