بی جے پی کے سینئر لیڈر اور مرکزی وزیر گری راج سنگھ نے ایک بار پھر مسلمانوں کے خلاف زہر اگلا ہے۔
EPAPER
Updated: February 22, 2020, 1:07 PM IST | Agency | Patna
بی جے پی کے سینئر لیڈر اور مرکزی وزیر گری راج سنگھ نے ایک بار پھر مسلمانوں کے خلاف زہر اگلا ہے۔
پٹنہ : بی جے پی کے سینئر لیڈر اور مرکزی وزیر گری راج سنگھ نے ایک بار پھر مسلمانوں کے خلاف زہر اگلا ہے۔ انہوں نے کہا ہے کہ آزادی کے وقت پاکستان بننے کے بعد تمام مسلمانوں کو وہاں نہ بھیج پانےکی قیمت آج ہندوستان چکا رہا ہے، ہمارے باپ دادا اور اس وقت کے لیڈران نے ایک بڑی غلطی کر دی۔گری راج سنگھ نے بہار کے سیمانچل علاقے کے پورنیہ ضلع میں یہ بیان دیا جہاں مسلم آبادی بڑی تعداد میں ہے ۔ گری راج نےسی ا ے اے کی حمایت میں تقریرکرتے ہوئے کہا کہ ملک، آزادی کے وقت پاکستان بننے کے بعد تمام مسلمانوں کو وہاں نہیں بھیج پانے اور ہندوؤں کو یہاں نہیں لا نےکی قیمت چکا رہا ہے۔ آج جو کچھ ہو رہا ہے اس کی وجہ وہی تاریخی غلطی ہے۔
سی اے اے قانون کی ضرورت بتاتے ہوئے گری راج سنگھ نے کہاکہ جب ہمارے باپ دادا برطانوی حکومت سے آزادی کے لئے لڑ رہے تھے، جناح ایک اسلامی ملک بنانے پر زور دے رہے تھے، تاہم، ہمارے باپ دادا نے ایک غلطی کر دی، اگر انہوں نے تمام مسلمانوں کو پاکستان بھیج دیا ہوتا اور ہندوؤں کو یہاں لے آئے ہوتے، تو ایسے قانون کی ضرورت ہی نہیں ہوتی۔ گری سنگھ کے اس بیان پرایل جے پی نے ناراضگی ظاہر کی ہے۔ پارٹی صدرچراغ پاسوان نے کہا کہ بی جے پی ایسے بے تکے بیانات کی وجہ سے دہلی الیکشن ہاری ہے۔