غیر ضروری زرمبادلہ بچانے کے لیے غیر ضروری سونا خریدنے سے گریز کرنے کی وزیر اعظم نریندر مودی کی اپیل کی حمایت کرتے ہوئے، انڈیا بلین جیولرس ایسوسی ایشن(آئی بی جے اے ) (IBJA) کے گجرات صدر نینیش پچیگر نے پیر کو کہا کہ سونا صرف استعمال کے لیے نہیں ہے، بلکہ ملک کی ثقافت، بچت، سلامتی اور خواتین کو بااختیار بنانے کا ایک اہم ستون ہے۔

غیر ضروری زرمبادلہ بچانے کے لیے غیر ضروری سونا خریدنے سے گریز کرنے کی وزیر اعظم نریندر مودی کی اپیل کی حمایت کرتے ہوئے، انڈیا بلین جیولرس ایسوسی ایشن(آئی بی جے اے ) (IBJA) کے گجرات صدر نینیش پچیگر نے پیر کو کہا کہ سونا صرف استعمال کے لیے نہیں ہے، بلکہ ملک کی ثقافت، بچت، سلامتی اور خواتین کو بااختیار بنانے کا ایک اہم ستون ہے۔

یہ بھی پڑھئے:کنال کھیمو نے ’’مڈگاؤں ایکسپریس ۲‘‘ کی تصدیق کی

انہوں نے مزید کہا کہ پی ایم مودی کی اپیل سے اہم غیر ملکی کرنسی کو بچانے میں مدد ملے گی۔پچیگر نے کہا کہ لاکھوں چھوٹے کاریگر اس صنعت سے وابستہ ہیں، اس لیے حکومت کو پرانی گولڈ منیٹائزیشن اسکیم کو دوبارہ شروع کرنا چاہیے۔ اس سے پرانے سونے کو دوبارہ مارکیٹ میں لانے اور اس کی ری سائیکلنگ کو بڑھانے میں مدد ملے گی۔ اس سے چھوٹے اور درمیانے درجے کے کاریگروں کو مسلسل روزگار ملے گا۔ اس سے زرمبادلہ کو ملک سے باہر جانے سے روکنے کے حکومتی ہدف کو بھی تقویت ملے گی۔
پچیگر نے مزید کہا کہ وزیر اعظم کی اپیل پر عمل کرتے ہوئے زرمبادلہ کی بچت کی جائے جبکہ زیورات کے شعبے سے وابستہ لاکھوں کاریگروں کی معاشی بہبود کو بھی متاثر نہ کیا جائے۔ اسوسی ایشن جلد ہی اس مسئلہ کو حل کرنے کے لیے حکومت کو ایک میمورنڈم پیش کرے گی۔

یہ بھی پڑھئے:والمارٹ کے صدر نے ہندوستان کو دنیا کا گروتھ انجن قراردیا

دوسری طرف جے سی بی ایل گروپ کی ڈائریکٹر سی اے رینو اروڑہ نے پی ایم مودی کی حمایت کرتے ہوئے کہا کہ ہم سونے اور خام تیل کے لیے پوری طرح سے بیرونی ممالک پر انحصار کر رہے ہیں۔ جب بھی ہم بیرون ملک سے سونا اور خام تیل خریدتے ہیں تو روپیہ دباؤ میں آجاتا ہے اور اس کی قیمت کم ہوجاتی ہے جس سے معیشت متاثر ہوتی ہے۔انہوں نے مزید کہا کہ سونے اور خام تیل کی کھپت سے ملک کو عالمی جھٹکے برداشت کرنے میں مدد ملے گی۔
اتوار کو سکندرآباد میں ایک ریلی سے خطاب کرتے ہوئے وزیر اعظم مودی نے شہریوں پر زور دیا کہ وہ ہندوستان کے غیر ملکی زرمبادلہ کے ذخائر پر دباؤ کو کم کرنے کے لیے اگلے سال کے لیے سونے کی غیر ضروری خریداری سے گریز کریں۔انہوں نے کہا کہ ’’موجودہ حالات میں ملک کے لیے زرمبادلہ کی بچت بہت ضروری ہو گئی ہے۔‘‘
درآمد شدہ ایندھن پر ہندوستان کے انحصار کا حوالہ دیتے ہوئے، وزیر اعظم مودی نے ایندھن کی بچت، غیر ضروری اخراجات میں کمی اور ہندوستان میں بنی اشیاء کی کھپت کو ترجیح دینے جیسے اقدامات پر زور دیا۔