گرینڈ کینال پر گرین ڈائی کلائمیٹ مظاہرے میں شمولیت کے سبب گریٹا تھنبرگ کی وینس میں داخلے پر عارضی پابندی عائد کردی گئی ہے، ذرائع کے مطابق مظاہرے میں زہریلے اثرات سے پاک ٹریسر ڈائی کو نہر کے پانی میں شامل کیا گیا تاکہ موسمیاتی تبدیلیوں کے تباہ کن اثرات کی جانب توجہ دلائی جا سکے۔

 سویڈش ماحولیاتی کارکن گریٹا تھنبرگ پر وینس میں دو روزہ داخلے پر پابندی عائد کر دی گئی ہےجس کی وجہ یہ ہے  کہ انہوں نے ایک ایسے احتجاج میں حصہ لیا جس میں شہر کے مشہور گرینڈ کینال کا پانی چمکدار سبز ہو گیا۔ذرائع ابلاغ کے مطابق، ایکسنکشن ربیلیئن نامی ماحولیاتی گروپ کی جانب سے گذشتہ ہفتے منعقد کیے گئے اس مظاہرے میں زہریلے اثرات سے پاک ٹریسر ڈائی کو نہر کے پانی میں شامل کیا گیا تاکہ ’’موسمیاتی تبدیلیوں کے تباہ کن اثرات‘‘ کی جانب توجہ دلائی جا سکے۔بائیس سالہ تھنبرگ اور دیگر مظاہرین نے ریالٹو برج سے ایکو سائیڈ بند کرو، (ماحولیاتی تباہی روکو) کا بینر لٹکایا اور سرخ نقاب پہن کر شہر میں مارچ کیا۔تاہم ان پر اور دیگر درجنوں مظاہرین پر۱۷۲؍ ڈالر جرمانہ عائد کیا گیا۔جبکہ اسی طرح کے احتجاج میلان، پالرمو، اور بولونیا کے شہروں میں بھی کیے گئے جہاں فواروں اور آبی گذرگاہوں کو بھی سبز رنگ سے رنگا گیا۔

`Extinction Rebellion` activists pour dye into Venice’s Grand Canal, turning the water bright GREEN and dying the buildings, monuments, and places of historical value green. "They`re ruined, said Tomas Valano, we can`t get it to come off".

Greta Thunberg is banned from Venice —… pic.twitter.com/jzOuSD0f4I

— Dane (@UltraDane) November 25, 2025

بعد ازاں وینیٹو خطے کے گورنر لوکا زایا نے اس احتجاج کو نقصان دہ قرار دیتے ہوئے مذمت کی۔ انہوں نے انسٹا گرام پر لکھا، ’’توڑ پھوڑ سے ماحول کا تحفظ نہیں ہوتا۔ ایسے اقدامات وینس کو نقصان پہنچاتے ہیںمثبت احتجاج ہونا چاہئے، اور ستم ظریفی یہ کہ یہ آلودگی پیدا کررہے ہیں۔‘‘واضح رہے کہ ایکسنکشن ربیلیئن کا یہ احتجاج حالیہ برسوں میں ہونے والے متعدد ماحولیاتی کارروائیوں میں سے تازہ ترین ہے، جن میں وان گوگ اور مونے کی پینٹنگز پر ٹماٹو سوپ اور آلوؤں کا پیورہ پھینکنا، اور واشنگٹن میں دیگاس کے مجسمے پر سرخ پینٹ کا استعمال بھی شامل ہیں۔اس کے علاوہ گذشتہ ماہ، غزہ میں انسانی امداد پہنچانے کی کوشش کرنے والے بحری قافلے میں شامل ہونے پر گریٹا تھنبرگ کو اسرائیل میں حراست میں لے کر ملک بدر کر دیا گیا تھا۔