فی الوقت امریکہ دنیا کی سب سے بڑی مارکیٹ ہے جس کا مارکیٹ کیپ۵۰ء۸۶؍ ٹریلین ڈالر ہے۔
EPAPER
Updated: January 24, 2024, 1:09 PM IST | Agency | New Delhi
فی الوقت امریکہ دنیا کی سب سے بڑی مارکیٹ ہے جس کا مارکیٹ کیپ۵۰ء۸۶؍ ٹریلین ڈالر ہے۔
ہندوستانی اسٹاک مارکیٹ اب دنیا کی چوتھی بڑی اسٹاک مارکیٹ بن گئی ہے۔ ہندوستان نے ہانگ کانگ اسٹاک مارکیٹ کو پیچھے چھوڑ کر یہ مقام حاصل کیا ہے۔ بلومبرگ کے جمع کردہ اعداد و شمار کے مطابق، ہانگ کانگ اسٹاک مارکیٹ میں درج حصص کی کل قیمت۴ء۲۹؍ ٹریلین ڈالرہے جبکہ ہندوستانی اسٹاک مارکیٹ میں درج حصص کی کل مارکیٹ کیپ۴ء۳۳؍ ٹریلین ڈالر تک پہنچ گئی ہے۔
فی الوقت امریکہ دنیا کی سب سے بڑی مارکیٹ ہے جس کا مارکیٹ کیپ۵۰ء۸۶؍ ٹریلین ڈالر ہے۔ اس کے بعد چین۸ء۴۴؍ ٹریلین ڈالر کے مارکیٹ کیپ کے ساتھ دوسرے اور جاپان ۶ء۳۶؍ٹریلین ڈالر کے ساتھ تیسرے نمبر پر ہے۔ ہانگ کانگ کے اسٹاک مارکیٹ ہینگ سینگ میں مسلسل چوتھے سال کمی ہوئی۔ اسی دوران چین کے شنگھائی اسٹاک ایکسچینج میں بھی مسلسل دوسرے سال کمی دیکھی گئی۔
بیجنگ کی کووڈ سے متعلق سخت پابندیوں اور جیو پولیٹکل تناؤ سمیت دیگر وجوہات ہیں جو چین کے مارکیٹ کی تنزلی کی ذمہ دار ہیں۔ دوسری جانب ہندوستانی اسٹاک مارکیٹ مسلسل نئی بلندیوں کو چھو رہا ہے۔ انتخابات سے قبل مضبوط کاروباری جذبات، مائیکروو اکنامک حالات میں بہتری اور شرح سود میں کمی کی توقعات کے سبب ہندوستانی ایکویٹی مارکیٹ تیزی سے بڑھ رہی ہے۔ یہ لگاتار آٹھواں سال ہے جب ہندوستانی بازار میں تیزی دیکھی جا رہی ہے۔