وزیراعظم نریندر مودی نے ۸۰؍ ویں یومِ آزادی کے موقع پر لال قلعے کی فصیل سے قوم سے خطاب کرتے ہوئے ۲۰۴۷ء تک ہندوستان کو ترقی یافتہ ملک بنانے کے عزم کا اظہار کیا۔ انہوں نے نوجوانوں کی طاقت، خود انحصاری، توانائی سلامتی، جدید ٹیکنالوجی، سیمی کنڈکٹر، جوہری توانائی اور قومی سلامتی کو ملک کی ترقی کے اہم ستون قرار دیا، جبکہ نکسلی ازم کے خاتمے، غربت میں کمی اور ’وَندے ماترم‘ کی اہمیت پر بھی گفتگو کی۔

آج، ۱۵؍ اگست ۲۰۲۶ء کو وزیراعظم نریندر مودی نے ہندوستان کے ۸۰؍ ویں یومِ آزادی کے موقع پر نئی دہلی کے لال قلعے کی فصیل سے قوم سے خطاب کیا۔ ان کی تقریر کا مرکزی محور ۲۰۴۷ء تک وِکست بھارت (ترقی یافتہ ہندوستان) کا ہدف، خود انحصاری، نوجوانوں کی طاقت، توانائی سلامتی، ٹیکنالوجی اور قومی اتحاد رہا۔

وزیر اعظم مودی کی آج کی تقریر کی اہم باتیں
۲۰۲۷ء تک ترقی یافتہ ہندوستان کا عزم
وزیر اعظم نے کہا کہ ہندوستان نے ۲۰۴۷ء تک، یعنی آزادی کے ۱۰۰؍ سال مکمل ہونے تک، ایک ترقی یافتہ ملک بننے کا بڑا ہدف مقرر کیا ہے۔ انہوں نے کہا کہ ملک کو اس مقصد کیلئے تیز رفتار ترقی، خود انحصاری اور نوجوانوں کی صلاحیتوں کو بروئے کار لانا ہوگا۔ 

Dream big to achieve goal of Viksit Bharat by 2047: PM Modi at Independence Day speech pic.twitter.com/sVQkTWUVxF

— Shakeel Yasar Ullah (@yasarullah) August 15, 2026

ملک کی ترقی میں نوجوانوں کے کردار کا ذکر
وزیراعظم نے نوجوانوں کو ملک کی ترقی کا سب سے اہم ستون قرار دیتے ہوئے ان کی تعلیم، ہنر، جدت طرازی اور ٹیکنالوجی میں شمولیت پر زور دیا۔ تقریر میں ’یوا شکتی‘ کو وِکست بھارت ۲۰۴۷ء کے سفر کا اہم ذریعہ قرار دیا گیا۔

توانائی سلامتی پر زور
مودی نے کہا کہ جدید دور میں دنیا کیلئے توانائی بنیادی ضرورت ہے، اس لئے ہندوستان کو اپنی ’’انرجی سکیورٹی‘‘ مضبوط بنانا ہوگی۔ انہوں نے توانائی کے شعبے میں خود انحصاری اور مستقبل کی ضروریات کیلئے نئے وسائل پر توجہ دینے کی بات کی۔

’شکتی کی سپت دھارا‘ کا ذکر
وزیراعظم نے ترقی کیلئے ’شکتی کی سپت دھارا‘ (سات دھاراؤں) کا تصور پیش کیا، جس میں اہم معدنیات، توانائی، سیمی کنڈکٹرز اور دیگر اہم شعبوں کو ترقی کی بنیاد بنانے پر زور دیا گیا۔

سیمی کنڈکٹر اور جوہری توانائی
وزیر اعظم نے ہندوستان کو جدید ٹیکنالوجی اور مینوفیکچرنگ کا مرکز بنانے کی ضرورت پر زور دیا، مزید انہوں نے آنے والے برسوں میں ملک میں ۵؍ سے ۸؍ سیمی کنڈکٹر پلانٹس اور ۱۰۰؍ گیگاواٹ جوہری بجلی کی صلاحیت کے ہدف کا بھی ذکر کیا۔

📹🇮🇳 ‘We Can No Longer Move Forward With Small Dreams’: Modi’s Big Message From Red Fort

The prime minister urged Indians to “dream big,” saying a nation rises through the strength of its dreams, resolve and capabilities. https://t.co/F71jMC9sPT pic.twitter.com/GgzxMjxJmL

— RT_India (@RT_India_news) August 15, 2026

غربت میں کمی کا دعویٰ
وزیراعظم نے اپنی حکومت کی کامیابیوں کا ذکر کرتے ہوئے کہا کہ گزشتہ ۱۲؍ برسوں میں ۲۵؍ کروڑ افراد غربت کی لکیر سے باہر آئے ہیں اور ہندوستان دنیا کی تیزی سے ترقی کرنے والی معیشتوں میں شامل ہے۔

نکسلی تشدد پر بڑا بیان
وزیر اعظم نے نے دعویٰ کیا کہ ہندوستان نے مسلح نکسلی ازم کا خاتمہ کر دیا ہے۔ ساتھ ہی انہوں نے ’دِماغی نکسلی‘ یعنی نظریاتی طور پر لوگوں کو متاثر کرنے والی انتہا پسندی کے خلاف بھی خبردار کیا۔ انہوں نے نکسلی مخالف کارروائیوں میں جان گنوانے والے ۳؍ ہزار ۵۰۰؍ سے زیادہ سیکوریٹی اہلکاروں کو خراجِ عقیدت پیش کیا۔

“Have to isolate `dimaagi Naxals`.

They are looking for different ways to create anarchy.”

- PM Modi in Independence Day speech from Red Fort pic.twitter.com/3SbFa0DMKX

— News Arena India (@NewsArenaIndia) August 15, 2026

’وَندے ماترم‘ کا خصوصی ذکر
اس سال کی تقریب میں ’وَندے ماترم‘ کو خصوصی اہمیت دی گئی، کیونکہ ۲۰۲۶ء میں اس کے ۱۵۰؍ سال مکمل ہونے کی یاد منائی جا رہی ہے۔ لال قلعے کی یومِ آزادی تقریب میں پہلی مرتبہ ’وَندے ماترم‘ پیش کئے جانے کو بھی نمایاں کیا گیا۔

In a first for Independence Day celebrations, ‘Vande Mataram’ was rendered at the Red Fort complex during the 79th anniversary of the historic occasion on August 15, followed by the recitation of the national anthem at the grand event.

Read full updates: https://t.co/SE45XKHEIe pic.twitter.com/2Mpd7Ojxtc

— The Siasat Daily (@TheSiasatDaily) August 15, 2026

سیلاب اور لینڈ سلائیڈنگ متاثرین سے اظہارِ یکجہتی
وزیراعظم نے حالیہ سیلاب اور لینڈ سلائیڈنگ سے متاثرہ خاندانوں کے ساتھ ہمدردی کا اظہار کیا اور متاثرین کو حکومت کی جانب سے مدد اور بحالی کی یقین دہانی کرائی۔

مجموعی طور پر آج کی تقریر میں وزیر اعظم نریندر مودی نے ماضی کی آزادی کی جدوجہد کو خراجِ عقیدت پیش کرنے کے ساتھ مستقبل کے ہندوستان کا معاشی اور تکنیکی خاکہ پیش کرنے کی کوشش کی۔ ان کے خطاب میں ’وِکست بھارت ۲۰۴۷ء‘، خود انحصاری، نوجوان، توانائی، سیمی کنڈکٹر، جوہری توانائی، قومی سلامتی اور ’وَندے ماترم‘ نمایاں موضوعات رہے۔