اقوام متحدہ کی سلامتی کونسل نے آج غزہ میں جنگ بندی اور تمام یرغمالوں کی بلاشرائط رہائی کی قرار داد منظور کرلی۔ یو این کے جنرل سیکریٹری انتونیو غطریس نے کہا کہ اس مسودہ کو فوری طور پر نافذ کردیا جاناچاہئے۔ اس کے نفاذ میں ناکامی ناقابل تلافی نقصان ہوگا۔

اقوام متحدہ کی سلامتی کونسل نے غزہ میں جنگ بندی کی ایک قرارداد منظور کرلی ہے جبکہ امریکہ نے اس ووٹنگ میں حصہ نہیں لیا۔ پہلی بار اقوام متحدہ کی سلامتی کونسل نے غزہ میں جنگ بندی کے مطالبے کے حق میں ووٹ دیا ہے۔ اس میں امریکہ نے اپنا ویٹو استعمال نہیں کیا البتہ گزشتہ تمام مواقع پر امریکہ نے اپنا ویٹو پاور استعمال کیا تھا۔ روس اور چین بھی اس سے قبل اس قرارداد کو ویٹو کر چکے ہیں۔

The UN Security Council has just passed a resolution demanding an immediate ceasefire in Gaza for the month of Ramadan leading to a lasting sustainable ceasefire, & the immediate unconditional release of all hostages.

14 countries voted in favour. The USA abstained pic.twitter.com/INLzZ3ahfc

— Saul Staniforth (@SaulStaniforth) March 25, 2024

منظور ہونے والی قرارداد دس منتخب اراکین نے کونسل میں لکھی تھی، اور اسے موزمبیق کے نمائندے نے چیمبر میں تجویز کیا تھا۔ روس نے قرار داد کو پہلے کے مسودے میں بحال کر کے ترمیم کرنے کی کوشش کی جس میں لفظ ’’مستقل‘‘ شامل تھا، لیکن ووٹنگ ناکام ہو گئی۔اقوام متحدہ کی سلامتی کونسل کے ۱۴؍ ارکان نے قرارداد کے حق میں ووٹ دیا جبکہ امریکہ نے اس میں حصہ نہیں لیا۔
اسرائیل کے وزیر اعظم بنجامن نیتن یاہو نے اس سے قبل دھمکی دی تھی کہ اگر امریکہ نے اپنا ویٹو استعمال نہ کیا تو وہ واشنگٹن میں طے شدہ وفد کو منسوخ کر دیں گے۔

#BREAKING
Security Council ADOPTS resolution demanding an immediate ceasefire in Gaza for the month of Ramadan leading to a lasting sustainable ceasefire, and the immediate, unconditional release of all hostages

IN FAVOR: 14
AGAINST: 0
ABSTAIN: 1 (US)

⤵️https://t.co/chqgoyKICb pic.twitter.com/kisp5YDyGT

— UN News (@UN_News_Centre) March 25, 2024

اس قرارداد کے تحت غزہ میں فوری جنگ بندی اوربلاشرائط تمام یرغمالوں کی رہائی کا مطالبہ کیا گیا ہے۔ اس ضمن میں یو این کے سیکریٹری جنرل انتونیو غطریس نے کہا کہ سیکوریٹی کاؤنسل نے کافی انتظار کے بعد غزہ کے تعلق سے ایک مسودہ کو منظوری دی ہے جس کے مطابق محصورغزہ میں فوری جنگ بندی اور تمام یرغمالوں کی بلاشرائط رہائی کا مطالبہ کیا گیاہے۔