حیدرآباد سینٹرل یونیورسٹی (ایچ سی یو) نے ایسے ۶؍ طلبہ پر ایک ایک ہزار جرمانہ عائد کیا ہے جنہوں نے ۲۷؍ اکتوبر ۲۰۲۳ء کو فلسطین کی حمایت میں کیمپس میں مارچ نکالا تھا۔ یونیورسٹی نے ان تمام دیواروں کو سفید رنگ سے رنگ دیا ہے جن پر فلسطین حامی پوسٹر لگائے گئے تھے یا تصویریں بنائی گئی تھیں۔

حیدرآباد سینٹرل یونیورسٹی (ایچ سی یو) نے فلسطین کیلئے یکجہتی مارچ کا اہتمام کرنے پر ۶؍ طلبہ پر جرمانہ عائد کیا ہے۔ ان طلبہ نے ۲۷؍ اکتوبر ۲۰۲۳ء کو کیمپس میں مارچ کا انعقاد کیا تھا۔ فلسطینی عوام کی حمایت کیلئے یہ طلبہ ’’یو او ایچ فار فلسطین‘‘ کے بینر تلے جنوبی شاپنگ کمپلیکس میں جمع ہوئے تھے۔ رجسٹرار آفس کے حکم کے مطابق یونیورسٹی نے کہا کہ آرگنائزنگ گروپ رجسٹرڈ نہیں تھا اور اس نے احتجاج کیلئے پیشگی اجازت نہیں لی تھی۔ حکم نامے میں متنبہ کیا گیا کہ آئندہ کسی بھی قسم کی بے ضابطگی کی کارروائیوں کے طلبہ کے تعلیمی کریئر پر سنگین نتائج مرتب ہو سکتے ہیں، جس پر سخت تادیبی اقدامات کئے جائیں گے۔

Students of Central University of Hyderabad expressed Solidarity with Palestine in an artistic mood.#Gaza_Genocide #Gaza #FreePalestine#FromZionistOccupation
#كتائب_القسام pic.twitter.com/HrphgsfN2n

— Imran Wayfarer (@imran_wayfarer) October 26, 2023

دی آبزرور پوسٹ کی رپورٹ کے مطابق جب طلبہ نے یونیورسٹی کے جنوبی گیٹ کی طرف مارچ کرنے کی کوشش کی تو سیکوریٹی اہلکاروں کو مداخلت کیلئے کہا گیا۔

Students at University of Hyderabad gathered for a protest in solidarity with Palestine , A global call to liberate Al-Quds with banners of لِيُظْهِرَهُ عَلَى الدِّينِ كُلِّهِ ,(Islam) is to manifest over all other Deen (Ways of Life) [Quran 9:33] pic.twitter.com/Mgs4ZsoUuJ

— Abbas (@abbassji) October 28, 2023

رپورٹس بتاتی ہیں کہ سیکوریٹی اہلکاروں نے طالبات کو جسمانی طور پر روکنے کوشش کی، بشمول خواتین حاضرین، اور یکجہتی کے پوسٹرز کو پھاڑ دیا۔ ان رکاوٹوں کے باوجود طلبہ جنوبی گیٹ کی طرف بڑھنے میں کامیاب ہو گئے۔
اس واقعے کے بعد انتظامیہ اور سیکوریٹی آفس کی جانب سے یونیورسٹی کی دیواروں پر بنی فلسطین حامی پینٹنگز پر سفید رنگ لگایا گیا ہے۔ جامع تحقیقات کے بعد یونیورسٹی نے فلسطین کیلئے یکجہتی مارچ کے انعقاد میں ملوث چھ طلبہ پر جرمانہ عائد کیا ہے۔ ہر طالب علم کو ایک ہزار روپے بطور جرمانہ ادا کرنا ہوگا۔