فلسطین کے صدر محمود عباس کا جنرل اسمبلی کے خطاب کے دوران مطالبہ

 فلسطینی صدر محمود عباس نے اسرائیلی کو  کی جنگ میں قبضے۱۹۶۷ء کی جنگ میں قبضے میں لئے گئے فلسطینی علاقوں بہ شمول مشرقی بیت المقدس سے نکلنے کے لیے ایک سال کی ڈیڈلائن دی ہے۔اقوام متحدہ کی جنرل اسمبلی  کے۶ ۷ویں اجلاس سے پہلے ورچوئل خطاب میں انہوں نے کہا کہ ان کا ملک اس سال کے دوران سرحدوں کی حد بندی اور تمام حتمی حیثیت کے مسائل کو بین الاقوامی قراردادوں کے مطابق حل کرنے کی خاطر کام کرنے کیلئے تیار ہے۔ اس کے لیے اسرائیل کو ایک سال کی مہلت دی جاتی ہے کہ وہ واپسی کیلئےاقدامات کرے ۔
 فلسطینی صدر نے مزید کہا اگر اسرائیل ہمارے مطالبے پر ۱۹۶۷ءکی حدود میں واپس نہیں جاتا تو ہم ان علاقوں میں اسرائیل کا تسلط کیوں کر تسلیم کریں؟عباس نے عالمی طاقتوں پر زور دیا کہ وہ فلسطینی قوم کیلئے بین الاقوامی برادری کی طرف سے ضمانت دی گئی ریاست، آزاد اور بنیادی حقوق کی فراہمی کیلئے اقدامات کرے۔ جب عالمی برادری یہ تسلیم کرتی ہے کہ مشرق وسطیٰ میں پائیدار امن کے قیام کیلئے فلسطینیوں کو تحفظ، آزادی اور امن کی فراہمی لازمی ہے تو اب وقت آگیا ہے کہ فلسطینی قوم کو اس کے ضمانت شدہ حقوق دلائے جائیں۔فلسطینی صدر نے اقوام متحدہ کے سیکریٹری جنرل انتونیو غطریس پر زور دیا کہ وہ اقوام متحدہ کی قراردادوں پر عمل درآمد کروائیں۔ ان میں تازہ ترین قرارداد جنرل اسمبلی کی جانب سے جون ۲۰۱۸ء میں اپنے ہنگامی خصوصی اجلاس میں جاری کی گئی تھی جس میں کہا گیا تھا ہم امن کیلئےمتحد ہیں۔
 انہوں نے کہا کہ بین الاقوامی تحفظ کے طریقہ کار کی تشکیل کیلئے ضروری ہے کہ اگست ۲۰۱۸ء میں جاری کی گئی اس کی رپورٹ کی سفارشات پرعمل درآمد کروایا جائے جس میں ۱۹۶۷ء  میں مقبوضہ فلسطینی علاقوں بہ شمول یروشلم سمیت سرحدوں پر اس میکانزم کو فعال کیا جائے ۔ محمود عباس نے اقوام متحدہ کے سیکریٹری جنرل سے مطالبہ کیا کہ وہ بین الاقوامی امن کانفرنس کا مطالبہ کریں تاکہ اقوام متحدہ کی قراردادوں اور عرب امن اقدام کے مطابق فلسطینی ریاست کے قیام کی راہ ہموار کی جاسکے۔ واضح رہے کہ اسرائیل مقبوضہ مقامات کو خا لی کرنا تو دور نئے علاقوں پر قبضہ کر رہا ہے۔