این سی پی کے سربراہ شردپوار نے کیجریوال کی حراست کی مذمت کرتے ہوئے کہا کہ بی جے پی کو طاقت کے غلط استعمال کا نتیجہ بھگتنا پڑے گا۔ بی جے پی اس حد تک گر گئی ہے کہ وزیر اعلیٰ کو بھی گرفتار کر لیا۔ امید ہے کہ لوک سبھا انتخابات میں عوام مشترکہ طاقت کا مظاہرہ کریں گے۔ شردپوار نے کانگریس کے بینک اکاؤنٹس منجمد کرنے کی بھی مذمت کی۔

این سی پی کے سربراہ شردپوار نے دہلی کےو زیر اعلیٰ اروند کیجریوال کی حراست کی مذمت کرتے ہوئے کہا کہ بی جےپی کو طاقت کے غلط استعمال کا نتیجہ بھگتنا پڑے گا۔ انہوں نے پونے میں رپورٹرس سے بات کرتے ہوئے کہا کہ مجھے امید ہے کہ لوگ اب بھی مشترکہ طاقت کا مظاہرہ کریں گے جیسا انہوں نے ایمرجنسی کے وقت کیا تھا۔ خیال رہے کہ کیجریوال کی حراست کے بعد اپوزیشن مسلسل بی جےپی کے اقتدار والی مرکزی حکومت کو نشانہ بنا رہی ہے۔ 

یہ بھی پڑھئے: دہلی ایکسائز گھوٹالہ: اروند کیجریوال نے سپریم کورٹ سے درخواست واپس لی
انہوں نےمزید کہا کہ کانگریس کے بینک اکاؤنٹس منجمدکر دیئےگئے ہیں جس کی وجہ سے پارٹی کو انتخابی مہم کیلئے دشواریوں کا سامنا کرنا پڑ رہا ہے۔ یہ ملک کی قدیم پارٹی کو انتخابات لڑنے کیلئے اپنےذرائع سے محروم رکھنے کےمترادف ہے۔ اس طرح کی سخت کارروائیاں ماضی میں کبھی نہیں کی گئیں۔ریاست کے کچھ اہم لیڈران کے خلاف کارروائی کرنے کیلئےمرکزی تفتیشی ایجنسیوں جیسے ای ڈی وغیرہ کا غلط استعمال کیا جا رہاہے۔ 

یہ بھی پڑھئے: سینئر امریکی سینیٹر بین کارڈِن کا سی اے اے کے نفاذ پر اظہارِ تشویش
انہوں نے ہیمنت سورین کے تعلق سے کہا کہ قبائیلی طبقے سے تعلق رکھنے والے سیاسی لیڈر ہیمنت سورین کو بھی حراست میں لیاتھا اور دہلی کےو زیر اعلیٰ کو بھی حراست میں لیا گیا۔ انہیںاور ان کے ساتھیوں کو حراست میں لینا سراسر غلط ہے۔ اب بی جےپی اس حد تک گر گئی ہے کہ وزیر اعلیٰ کو حراست میں لینے کیلئے طاقت کا غلط استعمال کیا جا رہا ہے۔میں انڈیا اتحاد کے امیدوار کے طورپر ان کی حراست کی سخت مخالفت کرتا ہوں۔

Strongly condemn the vindictive misuse of central agencies to target the opposition, especially as general elections loom. This arrest showcases the depth to which BJP will stoop for power. ‘INDIA’ stands united against this unconstitutional action against #ArvindKejriwal

— Sharad Pawar (@PawarSpeaks) March 21, 2024

ان سے پوچھا گیا کہ دہلی کےو زیر اعلیٰ کو حراست میں لینے کے بعد کیا بی جے پی کیلئے لوک سبھا انتخابات میں کوئی مشکل کھڑی ہو گی جس کے جواب میں انہوں نے کہا کہ ’’۱۰۰؍ فیصد ۔ انہیں اس کی قیمت چکانی ہوگی۔ وہ تین مرتبہ وزیر اعلیٰ بن چکے ہیں۔ ان کے پاس عوام کی بھرپور حمایت ہے۔‘‘
خیال رہے کہ دہلی کورٹ کی جانب سے کیجریوال کو ایجنسی کے ذریعے کسی بھی طرح کی کارروائی سے محفوظ رکھنے کی درخواست کو مسترد کرنے کے بعد انہیں حراست میں لیا گیا۔ انہوں نے اپنی حراست کےفوراً بعد سپریم کورٹ سے رجوع کیا تھا۔ عدالت عظمیٰ نے اس معاملے کی سماعت کو آج صبح تک کیلئے ملتوی کیا تھا۔ بعد ازیں کیجریوال نے اپنی درخواست واپس لے لی تھی۔ 
عام آدمی پارٹی کے سربراہ کی حراست نے پارٹی کارکنان کے درمیان غم و غصہ کی لہر پیدا کر دی ہے اور انہوں نے کہا تھا کہ ’’راجدھانی کےو زیر اعلیٰ کیجریوال ہی رہیں گے اور اگر ضرورت پڑی تو وہ جیل سے حکومت چلائیں گے۔‘‘
انڈیا اتحادکے کئی اہم لیڈران نے کیجریوال کی حراست کی مخالفت کی تھی۔ انہوں نے کہا تھا کہ بی جے پی لوک سبھا انتخابات کے نتائج سے گھبرائی ہوئی ہے اس لئے ایسی کارروائیاں انجام دے رہی ہے۔