کمپنی گیس کمپریشن پلانٹس اور ۲۳۰؍کلو وولٹ کے بجلی کے سب اسٹیشن بنائیگی۔

ایل اینڈ ٹی انرجی ہائیڈروکاربن آن شور(ایل ٹی ای ایچ آن شور) ، جو۳۲؍ارب ڈالر مالیت کی انفراسٹرکچر کمپنی ایل اینڈ ٹی کا حصہ ہے، نے پیر کو بتایاکیا کہ اسے مغربی ایشیا کی ایک کمپنی کیلئے ۱۵؍ ہزار  کروڑ روپے سے زائد مالیت کا گیس کمپریشن  سہولت  کی تعمیر کا منصوبہ ملا ہے۔ 

یہ بھی پڑھئے: اقتصادی شراکت داری کو مضبوط کرنے کیلئے نرملا سیتارمن کا کنیڈا اور امریکہ کا دورہ

منصوبے میں گیس کمپریشن پلانٹس کی انجینئرنگ،  خریداری اور تعمیر  کے ساتھ ہی گیس اِن لیٹ سہولیات، کمپریشن سسٹمز، کنڈینسیٹ اور پیدا شدہ پانی کی ہینڈلنگ کے نظام، پروپین ریفریجریشن سسٹمز اور تمام متعلقہ یوٹیلیٹیز شامل ہوں گی۔ کمپنی نے بتایا ہے کہ ان سہولیات کو نئی آن شور تنصیبات کیلئے تیار کیا جائے گا، جہاں  ضوابط اور منصوبے کی ضروریات کے مطابق ساور گیس کو پروسیس کیا جائے گا۔ گیس کمپریشن پلانٹس کی بجلی کی ضروریات پوری کرنے کیلئے ایل اینڈ ٹی کا پاور ٹرانسمیشن ڈویژن ۲۳۰؍ کلو وولٹ کے ۲؍ایکسٹرا ہائی وولٹیج سب اسٹیشن تعمیر کرے گا۔

یہ بھی پڑھئے: ہندوستان مزید ۹؍ تجارتی معاہدوں کیلئے کوشاں

اس خبر کو  یہاںنکتہ وار سمجھیں
ایل اینڈ ٹی گیس کمپریشن پلانٹس تعمیر کرے گی، جن کا کام گیس کو دباؤ کے ذریعے پروسیسنگ اور ترسیل کے لیے تیار کرنا ہوگا۔
منصوبہ میں گیس کاکمپریشن، پانی اور کنڈینسیٹ کی ہینڈلنگ اور ریفریجریشن سسٹم سمیت مختلف سہولیات شامل ہوں گی۔
ایل اینڈ ٹی کے پاور ٹرانسمیشن ڈویژن کو بھی ۲۳۰؍کلو وولٹ کے ۲؍ بڑے بجلی سب اسٹیشن بنانے ہوں گے۔
ایل اینڈ ٹی کیلئے یہ معاہدہ اہم ہے کیوں کہ اس سے مغربی ایشیا میں اس کی بڑے اور پیچیدہ توانائی منصوبوں کو مکمل کرنے کی صلاحیت مزید مضبوط ہوگی۔
مختصراً، یہ صرف گیس کا کاروباری معاہدہ نہیں بلکہ گیس پروسیسنگ، بجلی اور دیگر بنیادی ڈھانچے کی تعمیر کا ایک بڑا منصوبہ ہے۔