اسپین کے دارالحکومت میڈرڈ اور میکسیکو سٹی میں گمنام فنکاروں کا گروپ میٹرو اسٹیشنوں کے ناموں پر اسٹیکرز چسپاں کرکے انہیں فلسطین کی حمایت اور سماجی انصاف کے پیغامات میں تبدیل کر رہا ہے۔ ’ریڈریٹو‘ نامی اس گروپ نے ۸۰؍ سے زائد اسٹیشنوں کے نام تبدیل کیے ہیں، جن کے ذریعے فلسطینیوں کی بے دخلی، مقامی آبادیوں کے حقوق اور تاریخی ناانصافیوں جیسے مسائل کو اجاگر کیا جا رہا ہے۔

اسپین کے دارالحکومت میڈرڈ اور میکسیکو سٹی میں گمنام فنکاروں کا ایک گروپ میٹرو اسٹیشنوں کے نام تبدیل کرکے فلسطینیوں اور مختلف سماجی تحریکوں سے اظہارِ یکجہتی کر رہا ہے۔ یہ فنکار اسٹیشنوں کے اصل ناموں پر اسٹیکرز چسپاں کرکے انہیں ایسے پیغامات میں بدل دیتے ہیں جو فلسطین کی حمایت، تاریخی ناانصافیوں اور سماجی حقوق کے لیے جاری جدوجہد کی عکاسی کرتے ہیں۔ اسرائیل کی جانب سے ۲۰۲۳ء میں شروع ہونے والی جنگ اور غزہ میں فلسطینیوں کے خلاف نسل کشی کے الزامات کے بعد ’ریڈریٹو‘ (Redreto) نامی گروپ نے اس سرگرمی میں تیزی پیدا کی۔ گروپ نے مختلف میٹرو اسٹیشنوں کے ناموں میں تبدیلی کرکے انہیں سیاسی اور سماجی پیغامات کا ذریعہ بنایا۔ مثال کے طور پر، میکسیکو سٹی کے اسٹیشن ’لا لیٹینا‘ (La Latina) کے نام کو تبدیل کرکے ’فری فلسطین‘ (Free Palestine) کردیا گیا، جبکہ ’ٹاکوبا‘ (Tacuba) کو ’نکبہ‘ (Nakba) کا نام دیا گیا۔ نکبہ اس تاریخی سانحے کو کہا جاتا ہے جس میں ۱۹۴۸ء میں اسرائیل کے قیام کے دوران اور اس کے بعد بڑی تعداد میں فلسطینی اپنے گھروں سے بے دخل ہوئے اور انہیں نقل مکانی پر مجبور ہونا پڑا۔

A network of anonymous artists is transforming metro station names in Madrid and Mexico City into messages of solidarity with Palestinians and social movements. Since the beginning of Israel’s genocide in 2023, the Redreto group has used stickers to alter the names of multiple metro stops, turning “La Latina” into “Free Palestine,” “Tacuba” into “Nakba” and “El Carmen” into “Maricarmen,” a reference to a retired woman whose recent eviction in Spain sparked a social justice movement calling for better housing. “Their work began in 2006 on the Madrid Metro network. Since then, they have carried out interventions across underground transport networks in Spain, Germany and Mexico, modifying more than 80 stations across Mexico City and Monterrey,” Mexican newspaper Animal wrote in 2020. More recently, the activists renamed one station “Aztec Dispossession” to highlight the historical dispossession of Indigenous communities in Latin America, and another “Franco’s Mass Graves” to mark the 50th anniversary of the death of Francisco Franco, the dictator who ruled Spain from 1939 to 1975.

— TRT World (@trtworld) October 16, 2026

گروپ نے ایک اسٹیشن کا نام ’ایل کارمین‘ (El Carmen) سے بدل کر ’ماری کارمین‘ (Maricarmen) بھی کردیا۔ یہ نام اسپین کی ایک ریٹائرڈ خاتون کی جانب اشارہ ہے جنہیں حال ہی میں ان کے گھر سے بے دخل کیے جانے کے واقعے نے ملک میں سماجی انصاف اور مناسب رہائش کے حق کے لیے تحریک کو جنم دیا۔ اس طرح فنکاروں نے میٹرو اسٹیشنوں کو صرف آمدورفت کی جگہوں کے بجائے سماجی مسائل اجاگر کرنے کا ذریعہ بنا دیا ہے۔

یہ بھی پڑھئے: ٹرمپ روس ڈیزل معاہدے کے ساتھ تاریخ کے غلط رخ پر ہیں: زیلنسکی

میکسیکو کے اخبار ’اینمل‘ (Animal) نے ۲۰۲۰ء میں رپورٹ کیا تھا کہ ریڈریٹو کی سرگرمیوں کا آغاز ۲۰۰۶ء میں میڈرڈ کے میٹرو نیٹ ورک سے ہوا تھا۔ اس کے بعد گروپ نے اسپین، جرمنی اور میکسیکو میں زیرِ زمین ٹرانسپورٹ کے مختلف نظاموں میں ایسی مہمات چلائیں۔ رپورٹ کے مطابق، فنکار میکسیکو سٹی اور مونتری سمیت مختلف علاقوں میں ۸۰؍ سے زیادہ اسٹیشنوں کے نام تبدیل کرچکے ہیں۔

حال ہی میں کارکنوں نے ایک اسٹیشن کا نام ’ایزٹیک زمینوں سے محرومی‘ (Aztec Dispossession) رکھ کر لاطینی امریکہ کی مقامی آبادیوں کو تاریخی طور پر ان کی زمینوں اور وسائل سے محروم کیے جانے کے مسئلے کو اجاگر کیا۔ ایک دوسرے اسٹیشن کو ’فرانکو کی اجتماعی قبریں‘ (Franco’s Mass Graves) کا نام دیا گیا۔ یہ اقدام اسپین پر ۱۹۳۹ء سے ۱۹۷۵ء تک حکمرانی کرنے والے آمر فرانسسکو فرانکو کی موت کی ۵۰؍ ویں برسی کے موقع پر کیا گیا۔ فرانکو کے دورِ حکومت میں سیاسی مخالفین کے خلاف جبر اور ہلاکتوں کی تاریخ آج بھی اسپین میں بحث کا موضوع ہے۔

یہ بھی پڑھئے: فرانس: طلبہ کے احتجاج میں شدت، ایک ہزار ۲۶۰؍ افراد گرفتار، ۸۶؍ فیصد نابالغ

ریڈریٹو کی یہ سرگرمیاں فن اور عوامی مقامات کو سیاسی اظہار کا ذریعہ بنانے کی مثال ہیں۔ اسٹیشنوں کے ناموں میں معمولی تبدیلی کے ذریعے فنکار فلسطین، بے دخلی، مقامی آبادیوں کے حقوق اور تاریخی ناانصافیوں جیسے موضوعات کو روزمرہ زندگی کا حصہ بنا رہے ہیں۔ ان کا کام یہ ظاہر کرتا ہے کہ شہری جگہیں بھی سماجی مباحث اور یکجہتی کے پیغامات پہنچانے کا وسیلہ بن سکتی ہیں۔