۹۳؍ نشستوں کیلئے۴۲؍ خواتین سمیت۳۶۸؍ امیدوار میدان میں، ہندوستان اور چین کی نتائج پر نظر۔
EPAPER
Updated: April 22, 2024, 11:51 AM IST | Agency | Malé
۹۳؍ نشستوں کیلئے۴۲؍ خواتین سمیت۳۶۸؍ امیدوار میدان میں، ہندوستان اور چین کی نتائج پر نظر۔
اتوار کو مالدیپ کے پارلیمانی انتخابات کیلئے ملک اور بیرون ملک پولنگ اسٹیشن کھلنے کے بعد اتوار کی صبح سے ووٹنگ کا آغاز ہوا اور اس کا سلسلہ شام تک جاری رہا۔
پارلیمنٹ کی۹۳؍ نشستوں کیلئے کل۳۶۸؍ امیدوار میدان میں ہیں جن میں سے۴۲؍ خواتین امیدوار ہیں۔ اس الیکشن کیلئے۲ء۸؍ لاکھ سے زیادہ ووٹر ووٹ دینے کے اہل ہیں۔ مالدیپ کے تمام حلقوں میں ۶۰۲؍ پولنگ اسٹیشنز بنائے گئے ہیں، جبکہ ایک ایکپولنگ اسٹیشن سری لنکا کے کولمبو، ہندوستان کے ترواننت پورم اور ملائیشیا کے کوالالمپور میں بنائے گئے ہیں۔ ووٹنگ اتوار کو مقامی وقت کے مطابق صبح بجے شروع ہو ئی اور شام ساڑھے ۵؍ بجے تک جاری رہی۔ اس دورن مالدیپ کے صدر محمد معزو نے بھی حق رائے دہی استعمال کیا۔ یادرہےکہ مالدیپ کے پارلیمانی انتخابات کے نتائج پر ہندوستان اور چین دونوں کی نظر کی ہے، کیونکہ آئندہ نتائج کی بنیاد ہی پر مالدیپ کی خارجہ پالیسی طے ہوگی۔ ادھر کچھ دنوں سے مالدیپ اور ہندوستان کے تعلقات انتہائی کشیدہ ہوگئے تھے۔