ملکار جن کھرگے نے آج کسانوں کی تنظیم کے دہلی چلو آندولن کو مد نظر رکھتے ہوئے اپنے ایکس پوسٹ میں کسانوں کی حمایت کرتے ہوئے لکھا کہ مودی حکومت نے گزشتہ ۱۰؍ سال میں کسانوں سے کئے جانے والے وعدوں کو پورا نہیں کیا اور کسانوں کی آواز دبانے کی کوشش کی ہے۔ یقین دہانی کی کہ کانگریس کسانوں کی بھرپور حمایت کرے گی۔

کانگریس کے صدر ملکار جن کھرگے نے کسانوں سے ۱۰؍ سال میں کئے جانے والے وعدے کو نہ نبھاکر مودی حکومت پر کسانوں کی  آواز کو دبانے کا الزام عائد کیا ۔خیال رہے کہ آج کھرگےنےاس وقت مودی حکومت کو نشانہ بنایا ہے جب کسانوں کی تنظیم دہلی چلو احتجاج کیلئے دہلی کیلئے روانہ ہو رہی ہے۔ حکومت نے قومی راجدھانی میں کسانوں کے احتجاج کو مد نظر رکھتے ہوئے انہیں روکنے کیلئے جنگی پیمانے پر تیاریاں کی ہیں۔ کھرگے نے کسانوں کی حمایت کرتے ہوئے اپنے ایکس پوسٹ میں لکھا ہے کہ آمریت پسند مودی حکومت کسانوں کی آواز کو دبانے کی کوشش کر رہی ہے۔

कँटीले तार, ड्रोन से आँसू गैस, कीले और बंदूक़ें… सबका है इंतज़ाम,

तानाशाही मोदी सरकार ने किसानों की आवाज़ पर जो लगानी है लगाम !

याद है ना “आंदोलनजीवी” व “परजीवी” कहकर किया था बदनाम, और 750 किसानों की ली थी जान ?

10 सालों में मोदी सरकार ने देश के अन्नदाताओं से किए गए अपने… pic.twitter.com/9iUAzFeXgg

— Mallikarjun Kharge (@kharge) February 13, 2024

یاد رکھئے کہ کس طرح کسانوں کو ’’آندولن جیوی ‘‘ اور ’’چاپلوس ‘‘ کہہ کر بدنام کیا گیا اور ۷۵۰؍ کسانوں نے اپنی جانیں گنوا دیں۔مودی حکومت نے ملک کے کسانوں سے ۱۰؍ سال میں کئے جانے والے ۳؍ وعدوں کو پورا نہیں کیا ہے۔

یہ بھی پڑھئے: اپنے مطالبات کو منوانے کیلئے کسان پُرعزم، ہر حال میں دہلی میں داخل ہونے کااعلان

ان وعدوں میں کسانوں کی آمدنی کو دگنا کرنا، سوامی ناتھن کی رپورٹ کے مطابق ان پٹ لاگت کے علاوہ ۵۰ ؍فیصد کا نفاذ اور ایم ایس پی کو قانونی حیثیت دینے کی منظوری دینا شامل ہے۔انہوں نے کسانوں کی تحریک کی بھرپور حمایت کرتے ہوئے کہا کہ آج چھتیس گڑھ کے امبیکا پور میں کانگریس کسانوں کیلئے انصاف کی مانگ کرے گی۔