مختار انصاری کی موت کے بعد اپوزیشن لیڈران اور ان کے اہل خانہ نے الزام عائد کیا ہے کہ انہیں دھیرے دھیرے زہر دے کر قتل کیا گیا ہے اور تفتیش کا مطالبہ بھی کیا۔ مختار انصاری کی تدفین آج شام عمل میں آنے کے امکانات ہیں۔ ان کی موت کے معاملے میں  سی جی ایم نے عدالتی تفتیش کرنے کا فیصلہ کیا ہے۔ گریما سنگھ کو تفتیشی افسر مقرر کیا گیا ہے اور ایک ماہ میں رپورٹ جمع کرنے کا حکم دیا گیا ہے۔

مختار انصاری کے موت کے بعد سوشل میڈیا پر اپوزیشن لیڈران اور ان کے خاندان کے افراد ان کی موت پراظہار غم کر رہے ہیں۔ خیال رہے کہ جمعرات کو اترپردیش کے مؤ سے ۵؍ مرتبہ ایم ایل اے اور اترپردیش کے سینئر سیاستداں مختار انصاری کا جمعرات کی رات دل کا دورہ پڑنے سے انتقال ہو گیا تھا۔ اپوزیشن لیڈران اور ان کے خاندان کے افراد نے ان کی موت کے معاملے میں آزادانہ تفتیش کرنے کا مطالبہ کیا ہے۔خیال رہے کہ مختار انصاری اور ان کے خاندان کے افراد نے بارہا کہا تھا کہ ان کی زندگی خطرے میں ہے اور انہیں قتل کرنے کا منصوبہ تیار کیا جا رہا ہے۔ انہوں نے اس معاملے میں سپریم کورٹ سے بھی رجوع کیا تھا۔ تاہم، موت سے ۲؍ دن قبل مختار انصاری نے الزام عائد کیا تھا کہ انہیں دھیرے دھیرے زہر دیا جا رہا ہے۔
انصاری کے بیٹے عمر انصاری نے بھی دعویٰ کیا کہ ان کے والد کو ۱۹؍ مارچ کو ان کے کھانے میں زہر دیا گیا تھا۔انہوں نے کہا کہ انہیں اپنے والد کی موت کی خبر انتظامیہ نے نہیں ملی بلکہ میڈیا کے ذریعے انہیں معلوم ہوا کہ ان کے والد ختم ہو گئےہیں۔
انہوں نے یہ بھی الزام عائد کیا کہ ۲؍ دن قبل انہوں نے اپنے والد سے ملنے کی کوشش کی تھی لیکن انہیں ملنے نہیں دیا گیا تھا۔
عمر انصاری نے رپورٹرس سے گفتگو کرتے ہوئے کہا کہ مجھے اپنے والد کی موت کی خبر انتظامیہ کی جانب سے نہیں ملی بلکہ میڈیا کے ذریعے مجھے معلوم ہوا ہے کہ میرے والد ختم ہو گئے ہیں۔ البتہ پورے ملک کو اب تمام تفصیلات کا علم ہے۔ ۲؍ دن قبل میں نے اپنے والد سے ملنے کی کوشش کی تھی لیکن مجھے ملنے کی اجازت نہیں دی گئی تھی۔ ہم پہلے بھی یہ کہتے تھے اور آج بھی یہی کہیں گے کہ میرے والد کو دھیرے دھیرے زہر دیا جا رہا تھا۔
عمر نے مزید کہا کہ ۱۹؍ مارچ کو ان کے کھانےمیں انہیں زہر دیا گیا تھا۔ ہم عدالت سے رجوع کریں گے ہمیں اس بات پر مکمل یقین ہے۔

یہ جائز اور غیر انسانی حرکت ہے: تیجسوی یادو
مختار انصاری کی موت کے حوالے سے آر جے ڈی کے لیڈر اور بہار کے سابق وزیر اعلیٰ تیجسوی یادو نے کہا کہ کچھ دن پہلے انہوں نے الزام عائد کیا تھا کہ انہیں دھیرے دھیرے زہر دیا جا رہا ہے۔ تاہم، اس معاملے کو سنجیدگی سے نہیں لیا گیا۔یہ حرکت جائز اور انسانی نہیں معلوم ہوتی ہے۔آئینی اداروں کو ایسے عجیب و غریب واقعات کا ازخود نوٹس لینا چاہئے تھا۔

حکومت نے سنگین الزامات کے باوجود بھی معاملے کو سنجیدہ نہیں لیا: اسدالدین اویسی 
اے آئی ایم آئی ایم کے سربراہ اسدالدین اویسی نے اپنے ایکس میں لکھا کہ غازی پور کے لوگوں نے اپنے پسندیدہ بیٹے اور بھائی کو کھودیا۔ مختار صاحب نے انتظامیہ کے خلاف سنگین الزام عائد کئے تھے کہ انہیں دھیرے دھیرے زہر دیا جارہا ہے۔ اس کے باوجود بھی حکومت نے ان کے علاج پر دھیان نہیں دیا جو قابل افسوس ہے۔

इन्ना लिल्लाही वा इन्ना इलैही राजिऊन। अल्लाह से दुआ है के वो मुख़्तार अंसारी को मग़फ़िरत फ़रमाए, उनके ख़ानदान और उनके चाहने वालों को सब्र-ए-जमील अदा करें। @AfzalAnsariMP @yusufpore ग़ाज़ीपुर की अवाम ने अपने चहीते बेटे और भाई को को खो दिया। मुख़्तार साहब ने प्रशासन पर गंभीर आरोप… pic.twitter.com/zMbA0txKDK

— Asaduddin Owaisi (@asadowaisi) March 28, 2024

چندرشیکھر آزاد کا سی بی آئی تفتیش کا مطالبہ 
آزاد سماج پارٹی کے چیف چندرشیکھر آزاد نے کہا کہ قبل ازین مختار انصاری نے اپنے قتل کا خوف ظاہر کیا تھا۔ میں الہ آباد ہائی کورٹ سے ان کی موت کے معاملے میں سی بی آئی تفتیش کا مطالبہ کرتا ہوں۔ 

पूर्व विधायक मुख्तार अंसारी जी का असामायिक निधन बेहद दुखद, मैं विनम्र श्रद्धांजलि अर्पित करता हूं।

मेरी संवेदनाएं उनके परिजनों और समर्थकों के प्रति हैं, प्रकृति उन्हें यह असीम दुख सहने की शक्ति प्रदान करें।

पूर्व में ही उन्होंने अपनी हत्या की आशंका व्यक्त की थी, मैं माननीय उच्च…

— Chandra Shekhar Aazad (@BhimArmyChief) March 28, 2024

مختار انصاری کے گھر کے بھائی سیکوریٹی سخت کر دی گئی ہے۔ تصویر: پی ٹی آئی 

سپریم کورٹ کے چیف جسٹس اس معاملے کا خود نوٹس لیں: پپو یادو
کانگریس کے سابق رکن پارلیمان اورکانگریسی لیڈر پپو یادو نے مختار انصاری کے قتل کو ’’ادارہ جاتی قتل‘‘ قرار دیا۔سپریم کورٹ کے چیف جسٹس اس معاملے کا ازخود نوٹس لیں۔ اس معاملے میں تفتیش ہونی چاہئے۔

मुख़्तार अहमद अंसारी जी दादा थे
देश की आज़ादी के लिए लड़े
कांग्रेस के अध्यक्ष रहे थे।

ब्रिगेडियर उस्मान जी नाना थे
देश के पहले शहीद जो
पाकिस्तान से लड़ कश्मीर बचाए

उनके ख़ानदान के लोगों को आज
संवैधानिक न्यायिक प्रक्रिया से
न्याय नहीं मिल सकता! pic.twitter.com/XcwhvRfOZn

— Pappu Yadav (@pappuyadavjapl) March 29, 2024

انہوں نے الزام عائد کئے تھے کہ انہیں دھیرے دھیرے زہر دیا جا رہا ہے۔ ان کے بھائی نے بھی الزامات عائد کئے تھے۔ ملک کے نظام پر داغ ہیں۔

مختار انصاری کے گھر کے باہر لوگوں کی بھیڑ۔ تصویر: پی ٹی آئی
واضح رہے کہ مختار انصاری کی موت کے ۲؍ دن پہلے ان کے بھائی افضل انصاری نے سنگین الزام عائد کرتے ہوئے کہا تھا کہ ان کے بھائی کو موت کے گھاٹ اتارنے کی سازش کے تحت انہیں زہر دیا جا رہا ہے۔ انہوں نے رپورٹرس سے بات چیت کرتے ہوئے کہا تھا کہ مختارانصاری کو ان کے کھانے کے ساتھ زہر دیا جا رہا ہے۔ انہیں جیل میں مارنے کی سازش رچی جا رہی ہے۔
تین ماہ قبل مختار انصاری نے سپریم کورٹ سے رجوع کیا تھا۔ ان کے بڑے بیٹے عمر انصاری نے عدالت عظمیٰ سے کہا تھا کہ اترپردیش حکومت ان کے والد کو باندہ جیل میں قتل کرنے کی سازش کر رہی ہے۔گزشتہ سال ۱۶؍ جنوری کو عدالت نے اترپردیش حکومت کو حکم جاری کیا تھا کہ وہ سیکوریٹی انتظامات کرے اور اس بات کی یقین دہانی بھی کرے کہ مختار انصاری سیکوریٹی کی خلاف ورزی سے محفوظ رہیں۔
اس درمیان پوسٹ مارٹم کے بعد ان کی لاش ان کے اہل خانہ کے حوالےکر دی جائے گی۔ تاہم، ان کی موت کے حوالے سے تین ممبران پر مبنی ایک کمیٹی باندہ کے ضلعی مجسٹریٹ کے حکم کی مطابق تشکیل دی گئی ہے جو ان کے قتل کے معاملے میں تفتیش کرے گی۔

مختار انصاری کے وکیل پوسٹ مارٹم کی رپورٹ دکھاتے ہوئے۔ تصویر: پی ٹی آئی
امکانات ظاہر کئے جا رہے ہیں کہ مختار انصاری کے اہل خانہ ان کے بیٹے عباس انصاری کیلئے پیرول پر ضمانت دینے کی درخواست دینے کیلئے الہ آباد ہائی کورٹ سے رجوع کر سکتے ہیں۔
مختار انصاری کی موت میں تفتیش کے مطالبات کے بعد سی جی ایم نے عدالتی تفتیش کرنے کا فیصلہ کیا ہے۔ اے سی جے ایم ایم پی ایم ایل اے کورٹ نے گریما سنگھ کو تفتیشی افسر کے طور پر منتخب کیا ہے اور تفتیشی رپورٹ ایک ماہ کے اندر داخل کرنے کا حکم دیا ہے۔