طلبہ اپنے امتحانی مر کز پر بغیر کسی تاخیر کے پہنچے اس لئے ’اُپ نگریہ ریلوے پرواسی مہا سنگھ‘ نے سینٹرل ریلوے کو مکتوب لکھ کر مضافاتی لوکل ٹرینیں وقت پر چلانے کا مطالبہ کیا ہے۔

بدھ سے شروع ہونے والا ایچ ایس سی بورڈ امتحان تقریباً ڈیڑھ مہینے تک جاری رہے گا۔ طلبہ اپنے امتحانی مر کز پر بغیر کسی تاخیر کے پہنچے اس لئے ’اُپ نگریہ ریلوے پرواسی مہا سنگھ‘ نے سینٹرل ریلوے کو مکتوب لکھ کر مضافاتی لوکل ٹرینیں وقت پر چلانے کامطالبہ کیا ہے۔ 
پچھلے کئی ماہ سے سینٹرل ریلوے کی لوکل ٹرینیں ۲۰؍ سے۳۰؍ منٹ تاخیر سے چل رہی ہیں جس کی وجہ سے طلبہ، والد ین اور اساتذہ کو زبردست پریشانی کا سامنا کر نا پڑتا ہے۔ اس سے طلبہ کا تعلیمی نقصان ہو نے کا خد شہ بھی رہتا ہے۔ ہر سال طلبہ اور والد ین کی جانب سے امتحانات کے دوران لوکل ٹرینوں کو وقت پر چلانے کا مطالبہ کیا جاتا ہے۔ اس کیلئے اساتذہ، طلبہ اور والد ین کے نمائندوں نے ’اُپ نگریہ ریلوے پرواسی مہا سنگھ‘ کے ذمہ داران سے ملاقات کی تھی۔ عیاں رہے کہ کلیان سے ممبئی کے در میان لوکل ٹرین سروس میں خلل پڑنے پر سڑک کے راستے امتحانی مر کز تک پہنچنا ممکن ہے۔ تاہم اگر کلیان سے کر جت اور کلیان سے کسارا کے در میان لوکل سروس میں تاخیر یا کوئی خر ابی پیدا ہونے کی صورت میں کوئی متبادل ٹرانسپورٹ کا نظام موجود نہ ہو نے سے طلبہ کو کافی پریشانی اٹھانی پڑتی ہے۔ اس لئے پرواسی مہا سنگھ نے ریلوے انتظامیہ سے پُر زور اپیل کی ہے کہ دورانِ امتحان کر جت اور کسارا روٹ پر لوکل ٹرینیں ہر حال میں وقت پر چلائے۔ میل اور ایکسپریس گاڑیوں کو پہلے روانہ کرنے کی وجہ سے کرجت اور کسارا روٹ پر لوکل ٹرینیں ہمیشہ تاخیر سے چلائی جاتی ہیں۔ اس بارے ’اُپ نگریہ ریلوے پرواسی مہا سنگھ ‘کے صدر منوہر شیلار نے کہا کہ دسویں اور بار ہویں جماعتوں کے امتحانات کے دوران طلبہ اور اساتذہ کو راحت پہنچانے کیلئے ریلوے کو لوکل ٹرینوں کو فوقیت دینی چاہئے۔ انہوں نے بتایا کہ بیشتر والد ین اور اساتذہ نے ریلوے کو ٹو یٹ کر کے امتحان کے دنوں میں لوکل ٹرینیں وقت پر چلانے کی در خواست کی ہے۔