کانگریسی لیڈر پرینکا گاندھی نے جمعہ کو اقوام متحدہ کی جنرل اسمبلی میں اردن کے غزہ میں فوری جنگ بندی کی قرار داد پر ہندوستان کی جانب سے ووٹ نہ دینے پر غم کا اظہار کیا۔ انہوں نے کہا کہ غزہ میں بزرگوں، بچوں اور خواتین کو خاموشی سے فنا ہوتے دیکھنا، ہندوستانی اقدار کے خلاف ہے۔ ہندوستان کی بنیاد سچ اور عدم تشدد پر ڈالی گئی ہے جس کیلئے ہمارے مجاہدین آزادی نے اپنی جانیں گنوائیں۔ اخلاقی جرات ہی ہندوستان کی پہچا ن ہے۔

کانگریسی لیڈر پرینکا گاندھی نے نئی دہلی کے اسرائیل حماس جنگ کیلئے اقوام متحدہ کی قرار داد کو نا منظور کرنے پر حیرت کا اظہار کیا اور کہا کہ غزہ میں خواتین، بچوں اور بوڑھوں کو خاموشی سے فنا ہوتے دیکھنا ہندوستانی اقدار کے خلاف ہے۔

“An eye for an eye makes the whole world blind” ~ Mahatma Gandhi

I am shocked and ashamed that our country has abstained from voting for a ceasefire in Gaza.

Our country was founded on the principles of non-violence and truth, principles for which our freedom fighters laid down…

— Priyanka Gandhi Vadra (@priyankagandhi) October 28, 2023

 خیال رہے کہ اسرائیل حماس کے درمیان جاری جنگ کے دوران ہندوستان نے جمعہ کو اقوام متحدہ کی جنرل اسمبلی میں اردن کے غزہ میں فوری جنگ بندی کی قرار داد  کو نا منظور کیا تھا جس کا ٹائٹل ’شہریوں کی حفاظت کو برقرار رکھنا اور انسانی ذمہ داریاں‘‘ تھا۔

یہ بھی پڑھئے: اقوام متحدہ کی جنرل اسمبلی میں غزہ میں ’’فوری جنگ بندی ‘‘ کی قرار داد منظور

اس قرار داد میں فوری طور پر جنگ بندی اور بلا روک ٹوک غزہ میں انسانی امداد کی رسائی کو یقینی بنانے کا مطالبہ کیا گیا تھا۔ ۱۹۳؍ ممبران پر مبنی اقوام متحدہ کی جنرل کمیٹی نے قرار داد منظور کی جس میں غزہ میں فوری، پائیداراور برقرار جنگ بندی کا مطالبہ کیا گیا تھاجو اس دشمنی کے خاتمے کیلئے ایک اہم قدم ثابت ہو سکے۔
اس حوالے سے کانگریسی لیڈر پرینکاگاندھی نے اپنی پوسٹ میں گاندھی جی کے اقوال زریں کا حوالہ دیتے ہوئے ’’ خون کا بدلہ خون پوری دنیا کو نیست و نابود کر دے گا۔‘‘ کہا ہے کہ مجھے یہ دیکھ کر حیرانی ہوئی اور جھٹکا لگا کہ ہندوستان نے جنگ بندی کیلئے ووٹ نہیں دیا ہے۔ہمارے ملک کی بنیاد سچ اور عدم تشدد پر ڈالی گئی تھی جس کیلئے ہمارے مجاہدین آزادی نے اپنی جانیں گوائیں۔ آئین کی بنیاد سے یہ اصول ہماری قومیت کی پہنچان ہیں۔یہ اصول ہندوستان کےکی اخلاقی جرات کی بھی نشاندہی کرتے ہیں جس نے بین الاقوامی برادری کے ایک رکن کے طور پر اس کے اقدامات کی رہنمائی کی۔