بی جے پی رکن پارلیمنٹ روی کشن نے راہل گاندھی پر اپنی ہی پارٹی کے کارکن کو کہنی مارنے کا الزام لگاتے ہوئے طنزیہ انداز میں انہیں ’’کہنی باز وزیر اعظم‘‘ بننے کا خواب دیکھنے والا قرار دیا۔ ان کے اس بیان کی ویڈیو سوشل میڈیا پر وائرل ہوگئی ہے۔

بی جے پی کے رکن پارلیمنٹ روی کشن نے لوک سبھا میں قائد حزب اختلاف راہل گاندھی پر تنقید کرتے ہوئے ایک ایسی بات کہہ دی جو سوشل میڈیا پر وائرل ہوگئی۔ انہوں نے راہل گاندھی پر الزام لگایا کہ وہ چیف الیکشن کمشنر گیانیش کمار کے خلاف احتجاج اور انتخابی فہرستوں پر خصوصی جامع نظرِ ثانی (ایس آئی آر) کو ختم کرنے کے مطالبے کے دوران اپنی ہی پارٹی کے ایک کارکن کو کہنی مار رہے تھے۔ صحافیوں سے بات کرتے ہوئے روی کشن نے کہا، ’’یہ افسوس ناک ہے کہ وہ اپنے ہی پارٹی کارکنوں کو کہنی مار رہے ہیں۔ آپ وزیر اعظم بننے جا رہے ہیں، لیکن اپنے ہی کارکنوں کو کہنیاں مار رہے ہیں۔‘‘

 

 

 

 

 

View this post on Instagram

 

 

 

 

 

 

 

 

 

 

 

A post shared by UNFILTERED INDIAN (@unfiltered._indian)

گورکھپور سے بی جے پی کے رکن پارلیمنٹ نے راہل گاندھی پر مزید تنقید کرتے ہوئے انہیں ’’کہنی باز وزیر اعظم‘‘ بننے کے خواب دیکھنے والا قرار دیا۔ انہوں نے سوال کیا، ’’اگر آپ زندگی میں کبھی وزیر اعظم بن گئے تو ملک کو کتنی کہنیاں ماریں گے؟‘‘ ان کے یہ تبصرے اب سوشل میڈیا پر وائرل ہو رہے ہیں۔ روی کشن دراصل سوشل میڈیا پر گردش کرنے والی ایک ویڈیو پر ردعمل دے رہے تھے، جسے بی جے پی سے وابستہ سوشل میڈیا اکاؤنٹس نے شیئر کیا تھا۔ ویڈیو میں مبینہ طور پر راہل گاندھی کو گیانیش کمار کے خلاف مارچ کے دوران اپنی پارٹی کے ایک کارکن کو کہنی مارتے ہوئے دکھایا گیا ہے۔ بتایا جاتا ہے کہ یہ واقعہ منگل کے روز پیش آیا۔

روی کشن نے راہل گاندھی کے وزیر اعظم بننے کے عزائم پر بھی طنز کیا اور کہا کہ اگر وہ ۲۰۳۷ء کے بعد کبھی وزیر اعظم بنے تو کیا ہوگا۔ انہوں نے ایک بار پھر سوال کیا، ’’اگر آپ کبھی وزیر اعظم بن گئے تو اس وقت کتنی کہنیاں ماریں گے؟‘‘ اسی ہفتے کے آغاز میں بھی روی کشن نے سوشل میڈیا پر گردش کرنے والی راہل گاندھی کی ویڈیوز کے حوالے سے ان پر ’’ذہنی توازن کھونے‘‘ کا الزام لگایا تھا۔

یہ بھی پڑھئے: میرے ملیالی اچن: پرینکا گاندھی نے رمن کی موت پر انہیں یاد کیا

رائے پور میں صحافیوں سے گفتگو کرتے ہوئے روی کشن نے الزام لگایا کہ انتخابات میں بی جے پی کو شکست دینے میں ناکامی کے بعد اپوزیشن عوامی زندگی میں خلل ڈال رہی ہے۔ انہوں نے ووٹ چوری اور الیکٹرانک ووٹنگ مشینوں (ای وی ایم) میں بے ضابطگیوں سے متعلق اپوزیشن کے الزامات پر بھی سوال اٹھائے۔ ان کا کہنا تھا کہ احتجاج کے باعث عام لوگوں کو پریشانی کا سامنا کرنا پڑ رہا ہے، جن میں ایمبولینسوں کے ذریعے سفر کرنے والے مریض بھی شامل ہیں۔ انہوں نے اپوزیشن پر ملک کے نوجوانوں کو گمراہ کرنے کا الزام بھی عائد کیا۔