بہار اسمبلی میں اپوزیشن لیڈر تیجسوی پرساد یادو نے  بدھ کو کہاکہ ملک میں بڑھتی مہنگائی کے خلاف ان کی پارٹی  آرجے ڈی ۱۸؍ اور ۱۹؍ جولائی کو مظاہرہ کرے گی ۔

 بہار اسمبلی میں اپوزیشن لیڈر تیجسوی پرساد یادو نے  بدھ کو کہاکہ ملک میں بڑھتی مہنگائی کے خلاف ان کی پارٹی  آرجے ڈی ۱۸؍ اور ۱۹؍ جولائی کو مظاہرہ کرے گی ۔  انہوں نے بدھ کو آرجے ڈی کے ریاستی صدر اور سابق وزیر جگدانند سنگھ کی موجود گی میں پارٹی کے ریاستی دفتر میں منعقدہ پریس کانفرنس میں کہاکہ ۱۸؍ جولائی کو پارٹی کے سبھی لیڈر اور کارکن رسوئی گیس ، سائیکل اور بیل گاڑی کے ساتھ پٹنہ میں مظاہرہ کریںگے ۔ اس کے بعد وزیراعظم اور وزیراعلیٰ نتیش کمار کا پتلا نذر آتش کیاجائے گا۔ اسی طرح ۱۹؍جولائی کو سبھی ضلعی ہیڈکوارٹر اور بلاک ہیڈکوارٹر پر رسوئی گیس ، سائیکل اور بیل گاڑی کے ساتھ مہنگائی کے خلاف  مظاہر کیاجائے گا۔ اپوزیشن لیڈر نے کہاکہ مرکز اور بہار کی  این ڈی اے  حکومت نے بے تحاشہ مہنگائی بڑھاکر غریبوں کا جینا دوبھر کر دیاہے ۔ پیڑو  ل اور ڈیزل کی قیمتوں میں مسلسل اضافہ ہورہاہے ۔ پیڑو  ل تو اب تو ڈبل سنچری مارنے والاہے ۔ انہوں نے کہاکہ بڑھتی مہنگائی پر مرکزکا کوئی بھی لیڈر بولنے کو تیار نہیں ہے ۔ ڈیزل کی قیمتوں میں اضافہ ہونے سے کسان پریشان ہیں۔ انہوںنے کہاکہ ۲۵؍ جولائی کو مہا گٹھ بندھن کی اتحادی جماعتوں کی میٹنگ طلب کی گئی ہے جس میں بہار اسمبلی کے مانسون ا جلاس سے متعلق حکمت عملی کی تیاری پر غور وخوض کیاجائے گا۔