بقر عید موقع پر ایک طرف بالی ووڈ اداکار انٹیریئر ڈیزائنر سوزین خان نے اپنی مرحوم والدہ زرین خان کو یاد کرتے ہوئے ایک پوسٹ شیئر کی، جبکہ دوسری طرف اداکار علی فضل نے بھی تصاویر پوسٹ کرکے لوگوں کو عید کی مبارکباد دی۔

بقرعید کا تہوار ہمیشہ خوشیوں، خاندان اور اپنے پیاروں کے ساتھ گزارے گئے خوبصورت لمحات کے لیے جانا جاتا ہے۔ اس خاص موقع پر ایک طرف بالی ووڈ اداکار   انٹیریئر ڈیزائنر سوزین خان نے اپنی مرحوم والدہ زرین خان کو یاد کرتے ہوئے ایک پوسٹ شیئر کی، جبکہ دوسری طرف اداکار علی فضل نے بھی تصاویر پوسٹ کرکے لوگوں کو عید کی مبارکباد دی۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Sussanne Khan (@suzkr)

سوزین خان نے انسٹاگرام پر اپنی والدہ زرین خان کی یاد میں کئی تصاویر شیئر کیں۔ ان تصاویر میں زرین خان خاندان کے ساتھ مسکراتی ہوئی نظر آ رہی ہیں۔ کچھ تصاویر میں ماں بیٹی کے خوبصورت رشتے کی جھلک بھی دکھائی دیتی ہے۔ ایک تصویر میں سوزین اپنی والدہ کے ساتھ باہر لنچ کرتی ہوئی نظر آ رہی ہیں جبکہ دوسری تصویر میں دونوں کسی پارٹی میں دکھائی دے رہی ہیں۔ پوسٹ میں کچھ پرانی بلیک اینڈ وائٹ تصاویر بھی شامل تھیں، جن میں بچپن کی یادیں محفوظ تھیں۔

یہ بھی پڑھئے:۲۰۲۶ء سے ۲۰۳۰ء کے دوران درجۂ حرارت ریکارڈ سطح پر رہنے کا امکان: اقوامِ متحدہ

ان تصاویر کے ساتھ سوزین نے کیپشن میں اپنی والدہ کو ’’سپر ٹروپر‘‘ قرار دیتے ہوئے عید کی مبارکباد دی۔ انہوں نے لکھا’’میری ماں اب اس دنیا میں نہیں ہیں، لیکن خاندان ہر لمحہ انہیں محسوس کرتا ہے۔ ماں نے زندگی میں جو سبق دیے، وہ ہمیشہ ہمارے دلوں میں زندہ رہیں گے۔‘‘ سوشل میڈیا پر لوگوں نے سوزین کی پوسٹ پر بے شمار تبصرے کیے۔ کئی افراد نے ان کی والدہ کو خراجِ عقیدت پیش کیا، جبکہ بہت سے مداحوں نے دل اور دعا والے ایموجیز کے ذریعے اپنی محبت کا اظہار کیا۔

یہ بھی پڑھئے:امتیاز علی نے ’’لو آج کل‘‘ کے سیکویل کو ’’بیکار تجربہ‘‘ قرار دیا

دوسری جانب اداکار علی فضل نے بھی عید کے موقع پر اپنی ایک تصویر شیئر کی۔ پوسٹ میں علی نہایت سادہ انداز میں نظر آئے۔ انہوں نے خاندان اور اپنے قریبی لوگوں کے ساتھ گزارے گئے لمحات مداحوں کے ساتھ بانٹے۔
علی فضل نے اپنی انسٹاگرام پوسٹ میں عید کی مبارکباد دیتے ہوئے کہا’’میں اپنے خاندان کے ساتھ ہوں اور دنیا بھر کے ان تمام خاندانوں کا شکریہ ادا کرتا ہوں جنہوں نے مجھے اتنا پیار دیا کہ جہاں بھی جاتا ہوں، ہر جگہ اپنائیت محسوس ہوتی ہے۔‘‘ انہوں نے مزید لکھا’’یہ پیغام اُن لوگوں کے لیے بھی ہے جو دنیا میں محبت اور انسانیت کو واپس لانے کی کوشش کر رہے ہیں۔ میری دعا ہے کہ ہر انسان تک روشنی پہنچے اور آنے والا کل دنیا کے لیے مزید بہتر ہو۔ میں یہاں ہوں اور کہیں جانے والا نہیں ہوں۔‘‘