سوشل میڈیا پلیٹ فارمز پرکمپنیوں کے بانیوں نے بھی فائنل کے دوران مانگ میں اضافے کے حوالے سے اپنے خیالات کا اظہار کیا۔ہر لمحہ آرڈر میں تبدیلی دیکھی گئی۔

جب احمد آباد میں ہندوستان اور آسٹریلیا کے درمیان ون ڈے کرکٹ ورلڈ کپ کا فائنل کھیلاجا رہا تھا تو ڈلیوری پلیٹ فارمز بھی کافی مصروف تھے۔ سویگی نے ٹویٹر پر پوسٹ کیا (پہلے ٹویٹر)، `تھانے سے کسی نے ابھی۵۱؍ ناریل کا آرڈر دیا ہے۔ 
 سوشل میڈیا پلیٹ فارمز پر مختلف بانیوں نے بھی فائنل کے دوران مانگ میں اضافے کے حوالے سے اپنے خیالات کا اظہار کیا۔ سب سے بڑی ہائپر لوکل ڈلیوری کمپنیوں میں سے ایک بلنک اِٹ کے بانی البندر ڈنڈسا نے ایک دلچسپ رائے پیش کی، ’’آڈرز میں ایک دلچسپ رجحان رہا ہے۔ اگر آرڈرس کسی اوور کے دوران گر جاتے تو اشتہارات کے دوران اچانک بڑھ جاتے۔‘‘ ایک گرافک شیئر کرتے ہوئے انہوں نے لکھاکہ ’’ٹاس کے وقت اور پہلی گیند پھینکنے کے وقت آرڈرس میں کمی پر توجہ دیں ۔ یہ دیکھنا دلچسپ ہوگا کہ یہ چارٹ ہاٹ اسٹار ایپ کے ساتھ کیسے ملتا ہے۔‘‘
 ڈِنڈسا نے پلیٹ فارم پر فین جرسی کی فروخت سے متعلق ایک چارٹ بھی پیش کیا۔ انہوں نے لکھا کہ ’’اس ورلڈ کپ سیزن میں ایڈیڈاس کے ساتھ کام کرنے کا فیصلہ درست تھا۔ مجھے اچھا لگ رہا ہے کہ ہم اس ورلڈ کپ کے دوران بہت سے شائقین کو ہندوستانی ٹیم کی جرسیاں پہنچا سکے۔ خاص طور پر آج فائنل کے موقع پر۔‘‘انہوں نے یہ بھی لکھا کہ ہندوستان کے میچ کے دنوں میں چپس کے آرڈر ہمیشہ زیادہ ہوتے ہیں ۔ فوری گروسری ڈلیوری پلیٹ فارم زیپٹو نے صارفین کو ایک خاص پیشکش دی،۲۹۹؍ روپے سے زیادہ کے آرڈر پر مفت تھمس اپ کمپنی دیاجارہا ہے۔اس کے شریک بانی اور سی ای او ادیت پالیچا نے لکھاکہ ’’ `آج اسٹارٹ اپ مفت تھمس اپ دے کر پیسہ خرچ کر رہے ہیں ۔ روایت کو برقرار رکھنا۔‘‘ بعد میں انہوں نے ایکس پر لکھاکہ ’’زیپٹو کا فروغ مضبوط ہے۔ ہم پہلے ہی تھمس اپ کے ایک لاکھ مفت کین تقسیم کر چکے ہیں اور گیم ابھی شروع بھی نہیں ہوا۔‘‘
 بعد میں ، جیسے جیسے میچ آگے بڑھا، پالیچا نے ایک اور دلچسپ ٹرینڈ پیش کرکے لوگوں کی توجہ اپنی جانب مبذول کرائی۔ انہوں نے شام۵؍ بجے کے قریب ایک پر لکھاکہ ’’ `ہندوستان کا مذہبی پہلو نظر آ رہا ہے۔ عام اتوار کے مقابلے کیلئے آج پوجا کے پھولوں کی فروخت آسمان کو چھو رہی ہے۔ ہمیں لگا کہ یہ چھٹھ پوجا کی وجہ سے ہے لیکن میچ شروع ہونے کے بعد اس میں کافی اضافہ ہو گیا ہے۔
 فوڈڈلیوری کمپنی زومیٹو نے بھی ٹویٹر پر یہ کہتے ہوئے ایک دلچسپ پیشکش کی کہ اگر ہندوستان ورلڈ کپ جیتتا ہے تو اس کی پوسٹ کو پسند کرنے والے ۱۰؍لوگوں کو مفت ڈنر دیا جائے گا۔ سویگی کے ترجمان نے کہاکہ ’’ `لوگوں نے ورلڈ کپ فائنل دلچسپ موڑ پر پہنچنے سے پہلے ہی آرڈر دینا شروع کر دیئے تھے۔ میچ دیکھنے والوں میں پیزا اور برگر کی بہت مانگ تھی۔ جیسے جیسے میچ آگے بڑھتا گیا بریانی، تھالی، کچوری اور کباب کی مانگ میں بھی اضافہ ہوتا گیا۔ گارلک بریڈ، سافٹ ڈرنکس، چائنیز فرائیڈ رائس، نوڈلز اور سبزیوں کی روٹی کی مانگ بھی بڑھ گئی۔ ہمیں خوشی ہے کہ ہم لوگوں کو مطمئن کر سکے۔
۵ء۹؍کروڑ ناظرین نے ڈِزنی ہاٹ اسٹار پر انڈیا-آسٹریلیا فائنل میچ دیکھا 
ہندوستان اور آسٹریلیا کے درمیان اتوار کو کھیلے جانےوالے ون ڈے کرکٹ ورلڈ کپ۲۰۲۳ء کے فائنل میچ کو ڈزنی ہاٹ اسٹار پر ریکارڈ۵ء۹؍ کروڑ ناظرین نے دیکھا۔او ٹی ٹی پلیٹ فارم نے یہ معلومات دی۔ ڈزنی ہاٹ اسٹار کے مطابق اس ریکارڈکے ساتھ ہی ہندوستان اور نیوزی لینڈ کے درمیان سیمی فائنل میچ میں بنایا گیا۵ء۳؍ کروڑ ناظرین کا ریکارڈ بھی ٹوٹ گیا۔او ٹی ٹی پلیٹ فارم نے ایک بیان میں کہا کہ ڈزنی ہاٹ اسٹار پر فائنل میچ کی لائیو اسٹریمنگ کے دوران تقریباً۵ء۹؍ کروڑ کی سب سے زیادہ ناظرین کی تعداد ریکارڈ کی گئی۔ بیان کے مطابق ورلڈ کپ مقابلے میں ہندوستانبمقابلہ پاکستان کے لیگ میچ میں ۳ء۵؍ کروڑ ناظرین نے لائیو اسٹریمنگ کے ذریعے میچ دیکھا۔ڈِزنی ہاٹ اسٹار انڈیا کے سربراہ سجیت شیوانندن نے کہاکہ ۵ء۹؍کروڑ ناظرین نے ڈزنی ہاٹ اسٹار پر فائنل میچ دیکھا، جس نے تمام ریکارڈ توڑ دئیے۔ ہندوستانی کرکٹ شائقین کی غیر متزلزل حمایت نے ہمیں لائیو اسپورٹس اسٹریمنگ میں نئی ​​بلندیوں کو چھونے کی مسلسل ترغیب دی ہے۔