پلاکڈمیں روڈ شو کے دوران گاڑی میں وزیر اعظم مودی کے علاوہ پلاکڈ اور پونائی حلقےکے امیدوارموجود تھے لیکن ملاپورم سے مسلم امیدوار عبدالسلام کو جگہ نہیںملی

کیرالا میں گزشتہ روز وزیر اعظم مودی کی ریلی میں لوک سبھا انتخابات کیلئے بی جےپی کے واحدمسلم امیدوار کی غیر موجودگی پر سوال اٹھائے جارہے ہیں۔منگل کو ترواننت پورم کےپلاکڈمیں روڈ شو  کے دوران  کھلی گاڑی پر وزیر اعظم مودی کے علاوہ  پلاکڈ  اور اس سے متصل پونائی حلقےکے امیدوارموجود تھے لیکن ملاپورم سے بی جےپی کے مسلم امیدوار عبدالسلام کو اس گاڑی میںجگہ نہیںملی ۔
 سی پی ایم نے اس معاملے میںسوال اٹھاتے ہوئےبی جے پی پرتنقید کی ہے اورکہا ہے کہ اس سے اقلیتوںکے تئیں بی جےپی کے رویے کا اظہار ہوتا ہے۔بہر حال عبدالسلام نے میڈیا کے ایک حلقے کو بتایاکہ روڈ شو میںانہیںشامل کرنے کا کوئی پلان نہیں تھاکیونکہ ان کے انتخابی حلقے کا پلاکڈ سے کوئی تعلق نہیں ہے۔ انہو ںنے واضح کرنے کی کوشش کی کہ پونائی سے امیدوار نویدھتا سبرامنین  اس روڈ میںشو میں شرکت کرسکتے تھے کیونکہ پونائی  لوک سبھا حلقے میں پلاکڈ ضلع کا تریتھلا اسمبلی حلقہ بھی آتا ہے۔عبدالسلام نے مزید کہا کہ انہوں نے وزیر اعظم مودی سے ملاقات بھی کی اور انہیںملا پورم آنے کی دعوت دی ۔کالی کٹ یونیورسٹی کے سابق وائس چانسلر عبد السلام ملاپورم کے ترور سے ۲۰۲۱ء  میں بی جےپی امیدوار کے طورپر اسمبلی الیکشن لڑا تھا لیکن مسلم اکثریتی اس حلقے میںانہیں صرف۵؍ فیصد ووٹ ملے تھے ۔واضح رہے کہ بی جےپی کی اب تک کی فہرستوں میںعبدالسلام واحدمسلم امیدوار ہیں ۔