پرائیویٹ بینکوں کی طرف سے کم از کم بیلنس کے نام پر لگائے جانے والے جرمانے کا معاملہ پیر کو لوک سبھا میں اٹھایا گیا اور اسے ختم کرنے کا مطالبہ کیا گیا۔

 پرائیویٹ بینکوں کی طرف سے کم از کم بیلنس کے نام پر لگائے جانے والے جرمانے کا معاملہ پیر کو لوک سبھا میں اٹھایا گیا اور اسے ختم کرنے کا مطالبہ کیا گیا۔  ڈی ایم کے کے ڈاکٹر گنپتی راجکمار پی نے وقفہ صفر کے دوران کہا کہ نجی شعبے کے بینک عام لوگوں پر بوجھ ڈال رہے ہیں۔ انہوں نے کہا کہ ۲۵۔۲۰۲۴ءمیں ہندوستانی بینکوں نے کم از کم بیلنس برقرار نہ رکھنے پر۱۹۸۸۶؍ کروڑ روپے کی وصولی کی ہے۔ یہ وصولی یومیہ اجرت والے مزدوروں، چھوٹے کسانوں اور طلبہ  سے کی گئی ہے۔ تاہم، اسٹیٹ بینک آف انڈیا نے۲۰۲۰ء میں اس قسم کی وصولی کو بند کردیا تھا۔ 

یہ بھی پڑھئے:فلم ’’کالکی ۲‘‘ سے متعلق نئی خبریں، ذوالقر سلمان کے ساتھ جے ڈی چکرورتی کی آمد

پبلک سیکٹر کے ۱۲؍ میں سے ۹؍ بینکوں نے کم از کم بیلنس پر جرمانہ ختم کر دیا ہے، لیکن پرائیویٹ سیکٹر اب بھی وصولی کررہے ہیں۔راج کمار پی نے کہا کہ یہ پنالٹی غریب، مزدور اور سماج کے محروم طبقات کو اداکرنی پڑ رہی ہے۔ انہوں نے کہا کہ حکومت کوپرائیویٹ بینکوں کی جانب سے کم از کم بیلنس برقرار نہ رکھنے پر عائد جرمانہ ختم کیا جائے۔ انہوں نے کہا کہ سرکاری بینکوں سے یہ نظام ختم ہونے کے باوجود پرائیویٹ بینک غریبوں سے پیسے بٹور کر انہیں پریشان کر رہے ہیں۔ 

یہ بھی پڑھئے:مانچسٹر سٹی نے آرسنل کو پچھاڑ دیا، نیکو او ریلی کے دو گولز، سٹی نویں بار چیمپئن

بھارتیہ جنتا پارٹی کے بھرتریہری مہتاب نے عظیم آزادی پسند لیڈر سبھاش چندر بوس کی باقیات جاپان سے واپس لانے کا حکومت سے مطالبہ کیا۔ سماج وادی پارٹی کے جتیندر کمار دوہرے نے اپنے پارلیمانی حلقہ اٹاوہ کے ناہموار سرحدی علاقے میں کیندریہ ودیالیہ کھولنے کا مطالبہ کیا ہے۔ انہوں نے کہا کہ اس سے یہاں رہنے والی بڑی آبادی میں لوگوں کو تعلیمی فوائد حاصل ہوں گے۔