ورلڈ گولڈ کونسل کے اعداد و شمار سے پتہ چلتا ہے کہ سعودی عرب کے شہریوں نے ۵؍ سال کے دوران ۲۳۷؍ ٹن  کی مقدار میں سونا خریدا ۔

ورلڈ گولڈ کونسل کے اعداد و شمار سے پتہ چلتا ہے کہ سعودی عرب کے شہریوں نے ۵؍ سال کے دوران ۲۳۷؍ ٹن  کی مقدار میں سونا خریدا ۔ یہ اعدادو شمار ۲۰۱۷ء کے آغاز سے لےکر ۲۰۲۲ءکی پہلی سہ ماہی کے اختتام تک کے ہیں۔ورلڈ گولڈ کونسل کی رپورٹ میں کہا گیا ہے کہ سعودی عرب میں سونے کی طلب میں ۲۰۲۲ء کی پہلی سہ ماہی میں ۶؍ فیصد اضافہ ہوا۔ سونے کی مقدار کے اعتبار سے یہ اضافہ گزشتہ برس ۱۱؍ٹن کی نسبت سے ۱۱ء۷؍ٹن کے برابر ہے۔ قیمتی دھات کی صارفین کی طلب میں گزشتہ سال تقریبا ۴۴ء۲؍ ٹن، ۲۰۲۰ء میں ۳۱ء۱؍ٹن، ۲۰۱۹ء میں ۴۶؍ ٹن، ۲۰۱۸ءمیں ۴۹ء۶؍ ٹن اور ۲۰۱۷ء میں ۵۴ء۴؍ٹن سونا خریدا گیا۔ سعودی عرب میں سونے کے زیورات کی طلب میں ۲۰۲۲ء کی پہلی سہ ماہی میں ۱۶؍ فیصد اضافہ ہوا جو ۲۰۲۱ء کی اسی سہ ماہی میں ۷ء۸؍ٹن کے مقابلے میں ۹ء۱؍ٹن ہے۔اس رپورٹ میں سال کی پہلی سہ ماہی میں سالانہ بنیادوں پر مملکت میں کرنسیوں اور سونے کی سلاخوں کی طلب میں کمی کی نشاندہی کی گئی ہے، جو ۲۰۲۱ء سے اسی مدت میں ۳ء۲؍ٹن کے مقابلے میں ۲ء۶؍ٹن ہے۔ سعودی  میں سونے کی مانگ میں فرد کا حصہ فی  نفر ۱ء۲؍گرام ہے جو ۲۰۲۰ءمیں ۰ء۹؍ گرام اور ۲۰۱۹ءمیں ۱ء۳؍گرام تھا۔ رپورٹ میں اشارہ کیا گیا ہے کہ عالمی سطح پر ۲۰۲۲ء کی پہلی سہ ماہی میں سونے کی طلب ۳۴؍ سے ۱۲۳۴؍ٹن رہی جبکہ ۲۰۲۱ء کے اسی عرصے میں یہ مقدار ۹۱۹ء۱؍ٹن تھی۔گولڈ کے سرمایہ کاری کے فنڈز نے دنیا بھر میں معیاری افراط زر میں اضافے کے علاوہ  یوکرین  جنگ سے وابستہ خدشات کے درمیان پہلی سہ ماہی میں طلب میں اضافے کی طرف توجہ دلائی تھی۔ اسٹاک ایکسچینج پر گردش کرنے والے سونے کے خانوں نے ۲۰۲۰ء کی تیسری سہ ماہی کے بعد سے اس کے مضبوط سہ ماہی بہاؤ کو ریکارڈ کیا۔