۴؍ سال سے جاری جنگ میں روس کی فضائی دفاعی نظام نے یوکرین کا سب سے بڑا ڈرون حملہ ناکام بنا دیا ہے۔ روسی وزارتِ دفاع کے مطابق روس کی فضائی دفاعی یونٹوں نے گزشتہ رات۲۵۱؍ یوکرینی ڈرون تباہ کئے۔ روسی فضائی دفاعی نظام نے۴۰؍ ڈرونز کریمیا،۶۲؍ بحیرۂ اسود جبکہ درجنوں دیگر کرسک اور بیلگوروڈ کے علاقوں میں تباہ کئے۔ 

خبررساں ایجنسی کے مطابق روس کی جانب سے یوکرین کے توانائی ڈھانچے پر ڈرون اور میزائل حملے جاری ہیں جبکہ یوکرین نے بھی روسی آئل ریفائنریز اور توانائی کے دیگر مراکز کو نشانہ بنانے کا سلسلہ جاری رکھا ہے۔ 

روسی وزارت دفاع کی جانب سے اپنے ٹیلی گرام چینل پر پوسٹ کئے گئے ایک بیان کے مطابق بحیرہ اسود کے اوپر۶۱؍ ڈرونز کو روکا گیا جبکہ ایک ڈرون مبینہ طور پر ماسکو کی جانب بڑھ رہا تھا، وزارت نے کسی جانی یا مالی نقصان کی اطلاع نہیں دی ہے۔ 

اسی دوران یوکرین کے ذرائع ابلاغ نے دعویٰ کیا کہ ڈرون حملوں میں سے ایک ڈرون کریمیا کے ساحل پر واقع ایک اہم بندرگاہی شہر فیوڈوسیا میں جاگرا ہے جس سے تیل کے ڈپو میں آگ بھڑک اٹھی ہے، اس حملے میں ایندھن کا ٹینک پھٹ گیا ہے۔