اگر امریکہ اور ایران کے درمیان جنگ کی وجہ سے ہورمُز کی گزر گاہ متاثر ہوتی ہے تو خام تیل کی قیمت ۹۰؍ڈالر فی بیرل تک پہنچ سکتی ہے جبکہ اگر یہ ایک بڑے علاقائی تنازع میں تبدیل ہو جائے تو خام تیل کی قیمت ۱۰۰؍ ڈالر فی بیرل تک پہنچ سکتی ہے۔

 اگر امریکہ اور ایران کے درمیان جنگ کی وجہ سے ہورمُز کی گزر گاہ متاثر ہوتی ہے تو خام تیل کی قیمت  ۹۰؍ڈالر فی بیرل تک پہنچ سکتی ہے  جبکہ اگر یہ ایک بڑے علاقائی تنازع میں تبدیل ہو جائے تو خام تیل کی قیمت ۱۰۰؍ ڈالر فی بیرل تک پہنچ سکتی ہے۔ یہ معلومات اتوار کو جاری رپورٹ میں دی گئی ہیں۔
جے ایم فائنانشل انسٹیٹیوشنل سکیورٹیز کی رپورٹ میں کہا گیا کہ فی الحال برینٹ کروڈ کی قیمت تقریباً ۸ء۷۲؍ ڈالر فی بیرل ہے اور ایک محدود جوابی حملے سے قیمتیں ۵۔۱۰؍ ڈالر فی بیرل تک بڑھ سکتی ہیں، جبکہ ایرانی تیل کے انفراسٹرکچر کو نقصان پہنچنے سے خام تیل کی قیمتیں ۱۰۔۱۲؍ ڈالر فی بیرل تک بڑھ سکتی ہیں۔
رپورٹ میں مزید کہا گیا ہے کہ خام تیل کی قیمت میں ہر  ایک ڈالر اضافے سے  ہندوستان  کا سالانہ درآمدی بل تقریباً ۲؍ ارب ڈالر بڑھ جاتا ہے، جس سے تجارتی توازن پر دباؤ پڑتا ہے۔عالمی تیل کے بہاؤ کا تقریباً  ۲۰؍ فیصد ہورمُز کی گزر گاہ  سے گزرتا ہے اور  ہندوستان  کے خام تیل کی درآمد کا۴۰؍ فیصد سے زیادہ اسی راستے سے ہوتا ہے۔ رپورٹ میں کہا گیا کہ قریبی مستقبل میں شیئر بازار کے آمدنی پر مبنی تجارت سے تیل پر مبنی ٹریڈنگ کی طرف رجحان بڑھنے کا امکان ہے۔
بروکریج فرم کا اندازہ ہے کہ توانائی اور دفاع کے شعبے کو نسبتاً سہارا مل سکتا ہے  جبکہ تیل سے متاثرہ شعبے جیسے تیل کی تقسیم کرنے والی کمپنیاں، پینٹ، ٹائر، ہوابازی اور کیمیکل سیکٹر دباؤ کا سامنا کر سکتے ہیں۔ موجودہ اقتصادی ترقی کے منظرنامے میں ہندوستانی شیئر بازاروں کے لیے خام تیل ایک اہم میکرو متغیر بنا ہوا ہے۔
بروکر فرم نے خام تیل کی قیمت اور شیئر بازاروں کے تعلق کو سمجھاتے ہوئے کہاکہ ’’قریبی مستقبل میں روپے میں کمی کا خدشہ ہے  اور ممکن ہے کہ آر بی آئی غیر ملکی زرمبادلہ کے ذخائر کے ذریعے مداخلت کرے۔ طویل عرصے تک کشیدگی برقرار رہنے سے لاجسٹکس اور سمندری انشورنس کی لاگت بڑھ سکتی ہے، خلیجی شپنگ راستوں میں رکاوٹ آ سکتی ہے اور تجارتی توازن پر دباؤ پڑ سکتا ہے۔

یہ بھی پڑھئے:ای سی بی نے ابوظہبی میں انگلینڈ لائنز اور پاکستان شاہینز کا میچ منسوخ کر دیا

کمپنی نے کہا کہ او این جی سی اور آئل انڈیا جیسی تیل پیدا کرنے والی کمپنیوں کو بہتر منافع مل سکتا ہے  جبکہ ایچ اے ایل اور بی ای ایل جیسی دفاعی کمپنیوں کے شیئرز میں مثبت رجحان دیکھنے کو مل سکتا ہے۔امریکہ اور اسرائیل کے حملوں میں ایران کے اعلیٰ رہنما آیت اللہ علی خامنہ ای اور آئی آر جی سی، خفیہ اور قومی سلامتی کے کئی سینئر اہلکار ہلاک ہو گئے۔

یہ بھی پڑھئے:کرشمہ کپور کے بچوں کی بڑی جیت، سنجے کپور کی وصیت کی فارینسک جانچ

ہفتے کو  امریکہ اور اسرائیل نے ایرانی جوہری سہولیات، میزائل انفراسٹرکچر اور کمان سینٹرز پر ہم آہنگ حملے کیے۔ اس کے بعد ایران نے مشرق وسطیٰ میں امریکی ٹھکانوں پر میزائل اور ڈرون حملے کرکے جوابی کارروائی کی۔