امریکی صدر ڈونالڈ ٹرمپ نے ۲۰۲۷ء میں دفاعی بجٹ بڑھانے کی تجویز پیش کی ہے۔ انہوں نے ایکس پر ایک پوسٹ لکھا جس میں انہوں نے دفاعی بجٹ بڑھانے کا مشورہ دیا ہے اور اس کے فائدے بھی بتائے۔

امریکی صدر ڈونالڈ ٹرمپ نے ’’مشکل اور خطرناک اوقات‘‘ کا حوالہ دیتے ہوئے ۲۰۲۷ء میں دفاعی بجٹ کیلئے ۵ء۱؍ ٹریلین ڈالر کی رقم مقرر کرنے کی تجویز پیش کی ہے۔ یہ تجویز ۲۰۲۶ء میں مقرر کئے گئے دفاعی بجٹ سے نمایاں اضافہ کی نشاندہی کرتی ہے جو ۹۰۱؍ بلین ڈالر تھا۔ واضح ہو کہ ٹرمپ نے امریکی فوج کو وینزویلا کے صدر نکولس مادورو کو  منشیات کی خرید و فروخت کے الزام میں اغوا کرنے اور امریکہ لانے کا حکم دینے کے بعد دفاعی بجٹ میں اضافہ کا مطالبہ کیا ہے۔ تاہم امریکی افواج کی کارروائیاں کیریبین میں جاری ہیں۔

یہ بھی پڑھئے: ٹرمپ کا روسی تیل خریدنے والے ممالک پر ۵۰۰؍ فیصد تک ٹیرف، ہندوستان بھی شامل

حالیہ دنوں میں ٹرمپ نے قومی سلامتی کا جواز پیش کرتے ہوئے گرین لینڈ کے ڈنمارک خطے کو بھی قبضہ کرنے کی تیاری کا اعلان کیا ہے اور کولمبیا میں فوجی کارروائیاں شروع کرنے کی تجویز پیش کی ہے۔ اسی دوران امریکی وزیر خارجہ مارکو روبیو نے تنبیہ کی ہے کہ طویل عرصے سے امریکہ مخالف کیوبا مشکل میں ہے۔
ایکس پر پوسٹ کئے گئے اعلان میں ٹرمپ نے کہا ہے کہ دفاعی بجٹ بڑھانا معاون ثابت ہوگا اور امریکی عسکری صلاحیتوں میں اضافہ کا سبب بنے گا۔ انہوں نے لکھا ہے کہ ’’اس سے ہمیں ’’ڈریم ملٹری‘‘ (مضبوط فوج کا خواب) بنانے میں مدد ملے گی جس کے ہم طویل عرصے سے حقدار ہیں اور سب سے اہم بات یہ ہے کہ دشمنوں سے ہم محفوظ اور سلامت رہیں گے۔‘‘

Donald J. Trump Truth Social Post 04:17 PM EST 01.07.26

After long and difficult negotiations with Senators, Congressmen, Secretaries, and other Political Representatives, I have determined that, for the Good of our Country, especially in these very troubled and dangerous times,…

— Commentary Donald J. Trump Posts From Truth Social (@TrumpDailyPosts) January 7, 2026

ٹرمپ کا کہنا ہے کہ فوجی اخراجات کا بجٹ بڑھانے کیلئے وہ پُر اعتماد ہیں کیوں کہ جب سے انہوں نے دوبارہ حکومت سنبھالی ہے اتحادی اور حریف دونوں ممالک پر ٹیرف لگا دیا ہے جس سے حکومت کے سرمایہ میں اضافہ ہو رہا ہے۔ کانگریس کی جانب سے فوری ردعمل سامنے نہیں آیا ہے۔ خیال رہے کہ طویل مدتی فوائد کو مد نظر رکھتے ہوئے دفاعی اخراجات کیلئے قانون ساز اس کی منظوری دیں گے۔