اترپردیش کی ایک ایم پی ایم ایل اے کورٹ نے سابق وزیر خارجہ سلمان خورشید کی اہلیہ لوئیس خورشید کے خلاف سرکاری فنڈز کے مبینہ غلط استعمال سے متعلق ایک کیس میں گرفتاری کا وارنٹ جاری کیا ہے اور اس معاملے کی سماعت کی اگلی تاریخ ۱۶؍ فروری مقرر کی ہے۔

اترپردیش کی ایک ایم پی ایم ایل اے کورٹ نے سابق وزیر خارجہ سلمان خورشید کی اہلیہ لوئیس خورشید کے خلاف سرکاری فنڈز کے مبینہ غلط استعمال سے متعلق ایک کیس میں گرفتاری کا وارنٹ جاری کیا ہے۔ خصوصی ایم پی ایم ایل اے عدالت کے ایڈیشنل چیف جوڈیشل مجسٹریٹ شمبھاوی نے بدھ کو اس سلسلے میں لوئیس خورشید سمیت دو افراد کے خلاف گرفتاری کا وارنٹ جاری کیا اور سماعت کی اگلی تاریخ ۱۶؍ فروری مقرر کی۔ ڈاکٹر ذاکر حسین میموریل ٹرسٹ کے پروجیکٹ ڈائریکٹر لوئیس خورشید اور ٹرسٹ کے سیکرٹری اطہر فاروقی کے خلاف دھوکہ دہی اور غبن وغیرہ کے الزام میں مقدمہ زیر التوا ہے۔ عدالت کی طرف سے طلب کیے جانے کے باوجود ملزمین کے مسلسل غیر حاضر رہنے پر عدالت نے دونوں کے خلاف ناقابل ضمانت وارنٹ جاری کیاہے۔