وائٹ ہاؤس کے ٹیلی پرامپٹر آپریٹر پر ٹرمپ کی تقاریر پر شرط لگانے پرایک لاکھ ۷۲؍ ہزار ڈالر کا جرمانہ عائد کیا گیا ہے، کموڈٹی فیوچرز ٹریڈنگ کمیشن (CFTC) نے کہا کہ گیبریل پیریز نے کلشی پلیٹ فارم پر صدر کی تقاریر میں استعمال ہونے والے الفاظ پر سٹہ لگایا۔

وفاقی ریگولیٹرکے مطابق، وہائٹ ہاؤس کے ٹیلی پرامپٹر آپریٹر، جس نے اس الزام کے بعد کہ اس نے  اندرونی معلومات کا استعمال کرتے ہوئے ڈونالڈ ٹرمپ کی تقاریر پر آن لائن پیشن گوئی مارکیٹ میں سٹہ لگایا ،اپنا عہدہ چھوڑ دیا تھا،اس کو ایک لاکھ ۷۲؍ ہزار ڈالر کا جرمانہ کیا گیا ہے۔ ٹریڈنگ کمیشننے جمعہ کو ایک پریس ریلیز میں کہا کہ گیبریل پیریز نے صدر کے لیے اپنے کام کے ذریعے حاصل کردہ ’’مادی، غیر عوامی معلومات‘‘ کو ناجائز طور پر استعمال کیا تاکہ کلشی پلیٹ فارم پر ’’اپنے ذاتی فائدے‘‘ کے لیے سٹہ لگایا۔

یہ بھی پڑھئے: ٹرمپ کی’ لیک امریکہ‘ کی حفاظت کرتے’ ڈونالڈ ڈک‘ جیسے فوجیوں کی اے آئی ویڈیو جاری

ایجنسی کی پریس ریلیز کے مطابق، ٹریڈنگ کمیشن نے پیریز کو حکم دیا کہ’’ وہ اپنی غیر قانونی سرگرمیوں سے حاصل کردہ منافع جو کہ کل ۱۰۷۵۳۹۰۲؍ڈالر بنتے ہیں، کو واپس کریں اور ۵۶؍ڈالر کا سول جرمانہ ادا کریں۔ ٹریڈنگ کمیشنکے مطابق، دسمبر سے فروری تک وائٹ ہاؤس میں ٹیلی پرامپٹر آپریٹر کے طور پر کام کرتے ہوئے، پیریز نے کلشی پر ان الفاظ یا جملوں پر سٹہ لگایا،جو ٹرمپ اپنی تقاریر کے دوران استعمال کر سکتے تھے۔ وہائٹ ہاؤس میں پیریز کے کردار نے انہیں صدر کی تقاریر تک ان کی پیشکشی سے پہلے رسائی دی، اور انہوں نے ’’اس معلومات کو غلط طریقے سے استعمال کرکے منافع کمایا‘‘ جس سے ’’اعتماد اور وفاداری کے اپنے فرض‘‘ کی خلاف ورزی ہوئی۔پیریز نے  اپنا جرم قبول کرتےہوئے معذرت کرلی ہے۔ان پر تین سال کی تجارتی پابندی بھی لگائی گئی۔تاہم یہ واضح نہیں ہے کہ پیریز نے استعفیٰ دیا یا انہیں برطرف کیا گیا۔ 
بعد ازاں اس وقت کی وہائٹ ہاؤس پریس سیکریٹری، کیرولین لیویٹ، نے پیریز کی اندرونی تجارت کی اطلاعات کو انتہائی افسوسناک اور، واضح طور پر، ایک رسوائی قرار دیا تھا۔وہائٹ ہاؤس کے عملے کے ریکارڈ کے مطابق، پیریز اپنے ٹیلی پرامپٹر کے کام کے لیے سالانہ ایک لاکھ ۷۵؍ ہزار ڈالر کی تنخواہ وصول کرتے تھے۔پیریز کا مقدمہ آن لائن پیشن گوئی مارکیٹوں کے مسلسل پھیلاؤ کو ظاہر کرنے والا تازہ ترین واقعہ ہے، جو صارفین کو عوامی واقعات اور رجحانات پر قیاسی شرطیں لگانے کی اجازت دیتی ہیں۔

یہ بھی پڑھئے: اسرائیل کے تعلق سے خبر پر ٹرمپ کی دھمکی آئین کی خلاف ورزی: امریکی وفاقی عدالت

مزید برآں، کلشی نے اپریل میں تین سیاسی امیدواروں کے خلاف جرمانے کا اعلان بھی کیا جنہوں نے اپنے ہی انتخابات پر شرطیں لگائیں، جن میں ایک وہ بھی تھا جس نے ورجینیا میں امریکی سینیٹ کی نشست کے لیے آزاد امیدوار کا اعلان کرنے سے پہلے اس بات پر شرط لگائی کہ آیا وہ عہدے کے لیے انتخاب لڑیں گے۔ جبکہ ٹرمپ نے پیشن گوئی مارکیٹ کی صنعت کا دفاع کیا ہے، جس سے ان کے خاندان کے کاروباری تعلقات ہیں۔ انہوں نے انفرادی امریکی ریاستوں کے ذریعے ان مارکیٹوں کو ریگولیٹ کرنے کی مخالفت کی ہے اور استدلال کیا ہے کہ اس کے بجائے ٹریڈنگ کمیشن کو یہ کام انجام دینا چاہیے۔دریں اثنا، پیریز کے جرمانے کے بارے میں اپنی پریس ریلیز میں، ٹریڈنگ کمیشن نے کلشی کا اس معاملے میں ان کی مددکے لیے خاص طور پر شکریہ اداکیا۔