امریکہ اور ایران کے درمیان ہونے والی جنگ بندی کے برقرار رہنے کی امیدوں کے بعد عالمی منڈیوں میں تیزی آئی جس کی وجہ سے امیر ترین افراد کی دولت میں بھی زبردست اضافہ ہوا۔ یہ اضافہ انڈیکس کی تاریخ کا دوسرا سب سے بڑا یک روزہ اضافہ ہے۔

بلومبرگ بلینیئیر انڈیکس (Bloomberg Billionaires Index) کے مطابق، دنیا کے ۵۰۰؍ امیر ترین افراد کی مجموعی دولت میں صرف ایک دن میں ۲۶۵؍ ارب ڈالر کا اضافہ ہوا ہے۔ امریکہ اور ایران کے درمیان ہونے والی جنگ بندی کے برقرار رہنے کی امیدوں کے بعد عالمی منڈیوں میں تیزی آئی جس کی وجہ سے امیر ترین افراد کی دولت میں بھی زبردست اضافہ ہوا۔ 

یہ اضافہ انڈیکس کی تاریخ کا دوسرا سب سے بڑا یک روزہ اضافہ ہے۔ اس سے پہلے سب سے بڑی تیزی اپریل ۲۰۲۵ء میں دیکھی گئی تھی جب امریکی صدر ڈونالڈ ٹرمپ نے کچھ ممالک کے خلاف ٹیرف روکنے کا اعلان کیا تھا۔ اس موقع پر ارب پتی افراد کی دولت میں مجموعی طور پر ۳۰۴ بلین ڈالر کا اضافہ ہوا تھا۔ 

یہ بھی پڑھئے: بین الاقوامی مارکیٹ میں خام تیل کی قیمتوں میں اضافہ

مارکیٹ کی تیزی نے دولت میں اچھال پیدا کیا

ارب پتیوں کی دولت میں یہ اچانک اضافہ امریکی اسٹاک انڈیکسز میں بڑے پیمانے پر آنے والی تیزی کی وجہ سے ہوا۔ ایس اینڈ پی ۵۰۰ میں ۵ء۲ فیصد کا اضافہ ہوا جبکہ ڈاؤ جونز ۸۵ء۲ فیصد اور نیسڈیک (Nasdaq) میں ۸ء۲ فیصد اوپر گیا۔ سرمایہ کاروں نے ان علامات پر مثبت ردِعمل ظاہر کیا کہ اس نازک صلح سے تیل کی قیمتیں مستحکم ہو سکتی ہیں اور توانائی کی عالمی ترسیل کے اہم ترین راستے، آبنائے ہرمز کے ذریعے تجارت معمول پر آ جائے گی۔

ٹیکنالوجی اور لگژری شعبے کے ارب پتیوں کو بھاری منافع

انفرادی طور پر، فیس بک، انسٹاگرام اور وہاٹس ایپ کی مالک کمپنی میٹا (Meta) کے حصص میں ۵ء۶ فیصد اضافے کے بعد مارک زکربرگ کی دولت میں ۸ء۱۲ بلین ڈالر کا سب سے بڑا یک روزہ اضافہ ریکارڈ کیا گیا۔ فرانسیسی لگژری ٹائیکون برنارڈ آرنولٹ کے علاوہ لیری پیج اور سرگئی برن کی دولت میں بھی ۸ بلین ڈالر سے زائد کا اضافہ ہوا۔ مجموعی طور پر، انڈیکس پر موجود ۶۱ افراد کی مالیت میں ایک بلین ڈالر سے زیادہ کا اضافہ ہوا، جو مختلف شعبوں میں آنے والی تیزی کی عکاسی کرتا ہے۔

یہ بھی پڑھئے: ہندوستان میں سیمسنگ، ویوو اور اوپو کے اسمارٹ فونز کی قیمتوں میں ۴۰؍ فیصد تک اضافہ

رواں سال کے نقصانات کی بھر پائی نہیں ہو پائی

ایک دن کی اس نمایاں بحالی کے باوجود، ۲۰۲۶ء کے آغاز سے اب تک دنیا کے امیر ترین افراد کی مجموعی دولت اب بھی ۸ء۳۸ بلین ڈالر کی کمی کا شکار ہے۔ ان کی کل دولت اس وقت تقریباً ۷ء۱۱ ٹریلین ڈالر ہے۔

تجزیہ کاروں کا کہنا ہے کہ مارکیٹ میں یہ تیزی سرمایہ کاروں کے بحال ہوتے اعتماد کی نشان دہی کرتی ہے، لیکن مارکیٹیں اب بھی جغرافیائی و سیاسی حالات کے حوالے سے انتہائی حساس ہیں۔ جنگ بندی میں کوئی بھی خلل یا توانائی کی سپلائی کے راستوں میں رکاوٹ ان فوائد کو تیزی سے ختم کر سکتی ہے۔