دہلی کے تاریخی شاہین باغ احتجاج کو پولیس نے ختم کردیا ہے جس کے سبب ملک کے مظاہرین میں کچھ ناراضگی پائی جارہی ہے لیکن کوروناوائرس کے پیش نظر وہ مجبور اور بے بس نظر آرہے ہیں۔
شہریت ترمیمی قانون ، این آر سی اور این پی آر کے خلاف پوری دنیا میں شہرت حاصل کرنے والے شاہین باغ احتجاج اور جامعہ ملیہ اسلامیہ کی مظاہرہ گاہ کو پولیس نے منگل کو ہٹادیا۔ اس دوران مظاہرہ گاہ میں نصب فنکاری کے نمونوں (آرٹ ورک) کوہٹادیا گیا اور احتجاجی پینٹنگ کوسفیدرنگ سے چھپادیا گیا۔دریں اثناء انہیں خراب کرنے کا مظاہرین نے پولیس پر الزام لگایاہے۔
آئین کی حفاظت اور جمہوریت کی بقا کیلئے دیوبند کے عیدگاہ میدان میں متحدہ خواتین کمیٹی کے زیر اہتمام جاری دھرنے میں شامل خواتین نے ملک کو کسی بھی ممکنہ اندیشے سے بچانے کیلئے پیر کو بڑا قدم اٹھاتے ہوئے اپنا دھرناچار اپریل تک کیلئے ملتوی کردیا۔دہلی شاہین باغ طرز پر قومی شہریت ترمیمی ایکٹ (سی اے اے)، این آرسی اور این پی آر کی مخالفت میں ستائیس جنوری سےدھرنا دینے والی دیوبندکی شاہینوں نے کورونا کے بڑھتے اثرات کے درمیان مسلم پرسنل لا ء بورڈ ،جمعیۃ علماء ہند کے قومی صدر مولانا سید ارشد مدنی اورضلع انتظامیہ کی جذباتی اپیل پر پولیس کی تحریری یقین دہانی کے بعد یہ بڑا فیصلہ کیا
گذشتہ ۳ ماہ سے دہلی کے شاہین باغ میں شہریت ترمیمی قانون اور قومی شہریت رجسٹر کے خلاف مظاہرے کو دہلی پولیس نے منگل کی صبح ختم کر دیا۔ شاہین باغ میں دونوں اطراف کی سڑک کو پولیس نے صبح سات بجے خالی کرا لیا۔ پولیس کی اس کارروائی میں شاہین باغ سے مجموعی طور پر ۹ افراد کو حراست میں لیا گیا ہے ، ان میں ۶ خواتین اور ۳ مرد شامل ہیں۔ دہلی پولیس کے مطابق یہ کارروائی اس لئے کی گئی ہے تاکہ دہلی میں لاک ڈاؤن اور سیکشن ۱۴۴ کے نفاذ کے دوران ضروری سامان اور ہنگامی گاڑیوں کی نقل و حرکت میں کوئی پریشانی نہ ہو۔
