EPAPER
ایران نے اپنے جوہری سربراہ محمد اسلامی کو بین الاقوامی جوہری توانائی ایجنسی (IAEA) کی جنرل کانفرنس میں شرکت سے روکے جانے پر شدید احتجاج کرتے ہوئے اسے رکن ریاست کے حقوق کی واضح خلاف ورزی قرار دیا ہے۔ ویانا میں اقوام متحدہ اور دیگر بین الاقوامی اداروں میں ایران کے سفیر رضا نجفی نے امریکی دباؤ کے بعد اسلامی کو اجلاس سے روکے جانے کا دعویٰ کرتے ہوئے آسٹریا پر بھی میزبان ملک کی حیثیت سے اپنی ذمہ داریاں پوری نہ کرنے کا الزام عائد کیا۔ ایرانی سفیر نے مساوی نمائندگی اور شرکت کے اصولوں کی پاسداری پر زور دیتے ہوئے فوری اصلاحی اقدامات کا مطالبہ کیا ہے۔
September 15, 2026, 3:00 PM IST
امریکی ریپر میکلمور نے دعویٰ کیا ہے کہ فلسطین کے حق میں واضح مؤقف اختیار کرنے اور ’’فری فلسطین‘‘ کا نعرہ لگانے کے باعث انہیں ایڈ شیرن کے امریکی میوزک ٹور کی باقی ماندہ تقریبات سے ہٹا دیا گیا۔ میکلمور کے مطابق اس فیصلے کے پیچھے اسٹیڈیم مالکان کا دباؤ تھا، جبکہ ٹور کے منتظمین نے بھی تصدیق کی ہے کہ بعض مقامات پر ان کی شمولیت کے ساتھ کنسرٹ کی اجازت نہ دینے کی بات سامنے آئی تھی۔ معاملے نے فنکاروں کی آزادیِ اظہار، فلسطین کی حمایت اور موسیقی کی صنعت پر تجارتی دباؤ سے متعلق بحث کو دوبارہ نمایاں کر دیا ہے۔
September 15, 2026, 12:55 PM IST
روس کے خلاف مجوزہ امریکی پابندیوں کے بل کو حتمی شکل دینے سے قبل امریکی قانون سازوں نے اس میں متعدد ترامیم پیش کی ہیں۔
September 15, 2026, 11:37 AM IST
ٹیکساس ریل روڈ کمشنر کیلئے ریپبلکن پارٹی کے امیدوار بو فرینچ (Bo French) نے ایک فٹ بال میچ کے دوران جیت کا جشن مناتے ہوئے یونیورسٹی آف ٹیکساس کے طلبہ کی ایک تصویر پوسٹ کی اور اس کے کیپشن میں انہوں نے لکھا کہ اس تصویر میں دکھائی دے رہے مجمع میں زیادہ تر غیر سفید فام بھیڑ اس بات کی عکاس ہے کہ امریکیوں کو ”غیر ملکیوں کے ذریعے بے دخل“ کیا جا رہا ہے۔ اس پوسٹ کے وائرل ہونے کے بعد انہیں بڑے پیمانے پر شدید ردِعمل کا سامنا کرنا پڑا ہے۔
September 14, 2026, 5:55 PM IST
