ملک کی خدماتی برآمدات مالی سال ۲۶۔۲۰۲۵ءمیں بڑھ کر۳ء۴۲۱؍ ارب امریکی ڈالر تک پہنچ گئی ہیں، جس میں ٹیلی کمیونیکیشن، کمپیوٹر اور انفارمیشن سروسیز اور کاروباری خدمات کا نمایاں حصہ رہا۔ یہ معلومات مرکزی وزیر مملکت برائے تجارت و صنعت جتن پرساد نے راجیہ سبھا میں ایک تحریری سوال کے جواب میں دی۔

ملک کی خدماتی برآمدات مالی سال ۲۶۔۲۰۲۵ءمیں بڑھ کر۳ء۴۲۱؍ ارب امریکی ڈالر تک پہنچ گئی ہیں، جس میں ٹیلی کمیونیکیشن، کمپیوٹر اور انفارمیشن سروسیز اور کاروباری خدمات کا نمایاں حصہ رہا۔ یہ معلومات مرکزی وزیر مملکت برائے تجارت و صنعت جتن پرساد نے راجیہ سبھا میں ایک تحریری سوال کے جواب میں دی۔ انہوں نے بتایا کہ خدماتی برآمدات میں ٹیلی کمیونیکیشن، کمپیوٹر اور انفارمیشن سروسیز کا حصہ ۰۳ء۴۹؍ فیصد جبکہ کاروباری خدمات کا حصہ ۵ء۲۹؍ فیصد رہا۔

یہ بھی پڑھئے:تھلاپتی وجے کی ’’جنا نائیگن‘‘ نے پہلے دن ہندوستان میں ۴۱؍ کروڑ روپے کی کمائی

جتن پرساد نے کہا کہ مختلف ممالک اور منڈیوں کے ساتھ ہندوستان کے آزاد تجارتی معاہدوں (ایف ٹی اے) اور تجارتی فروغ کی مختلف پہلوں کے ذریعے ہندوستانی خدمات فراہم کرنے والوں کے لیے عالمی منڈیوں تک رسائی کے مواقع میں اضافہ ہوا ہے۔ انہوں نے خدماتی برآمدات میں مسلسل اضافے کا ذکر کرتے ہوئے ریزرو بینک آف انڈیا کے اعداد و شمار پیش کیے۔
اعداد و شمار کے مطابق ۲۲۔۲۰۲۱ء میں خدماتی برآمدات ۵ء۲۵۴؍ ارب ڈالر،۲۳۔۲۰۲۲ء میں ۳ء۳۲۵؍ ارب ڈالر،۲۴۔۲۰۲۳ء  میں ۱ء۳۴۱؍ ارب ڈالر، ۲۵۔۲۰۲۴ءمیں ۵ء۳۸۷؍ ارب ڈالر اور۲۶۔۲۰۲۵ء میں بڑھ کر۳ء۴۲۱؍ ارب ڈالر تک پہنچ گئیں۔ انہوں نے بتایا کہ حکومت خدماتی برآمدات کو فروغ دینے کے لیے ایک کثیر جہتی حکمت عملی پر عمل کر رہی ہے، جس کے تحت مخصوص منڈیوں اور شعبوں کے لیے ہدفی پالیسیاں اختیار کر کے خدماتی برآمدات میں اضافہ کیا جا رہا ہے۔

یہ بھی پڑھئے:فولارین بالوگن کی معطلی ختم کرنے پر فیفا کے خلاف شکایت پر غور

اسی طرح خدماتی برآمدات میں رکاوٹ بننے والے ملکی اور علاقائی مسائل کی نشاندہی متعلقہ فریقوں سے مشاورت کے ذریعے کی جاتی ہے اور متعلقہ وزارتوں اور محکموں کے تعاون سے ان کا حل نکالا جاتا ہے۔ انہوں نے کہا کہ اس حکمت عملی کے تحت آزاد تجارتی معاہدوں (ایف ٹی اے) کے ذریعے ہندوستانی خدمات فراہم کرنے والوں کے لیے بیرونی منڈیوں میں بہتر مواقع اور مارکیٹ تک رسائی کو یقینی بنایا جا رہا ہے۔