ہندوستانی خواتین ٹیم کی جارح مزاج بلے باز جمائمہ روڈریگیز نے کہا کہ ایک مشکل مہینے کے بعد موجودہ چیمپئن آسٹریلیا کو شکست دے کر ویمنز ورلڈ کپ کے فائنل میں پہنچنا ان کے لیے ایک خواب کے پورا ہونے جیسا لمحہ لگا۔

 ہندوستانی خواتین ٹیم کی جارح مزاج بلے باز جمائمہ  روڈریگیز نے کہا کہ ایک مشکل مہینے کے بعد موجودہ چیمپئن آسٹریلیا کو شکست دے کر ویمنز ورلڈ کپ کے فائنل میں پہنچنا ان کے لیے ایک خواب کے پورا ہونے جیسا لمحہ لگا۔آسٹریلیا کو جمعرات کی رات سیمی فائنل میں شکست دینے کے بعد جمائمہ  روڈریگیز نے کہاکہ آج بات میرے ۵۰؍ یا۱۰۰؍ رنز کی نہیں تھی، آج بس ہندوستان کو فتح دلانا تھا۔ مجھے معلوم تھا کہ کچھ مواقع ملیں گے، لیکن ایسا لگا جیسے خدا نے سب کچھ پہلے سے لکھ رکھا تھا۔ میرا یقین ہے کہ اگر آپ نیک نیت سے صحیح کام کریں تو وہ ہمیشہ اس میں برکت دیتا ہے۔ جو کچھ بھی ہوا، وہ بس اسی لمحے کے لیے طے تھا۔ یہ مہینہ بہت مشکل تھا، سب کچھ ایک خواب جیسا لگ رہا ہے، ابھی تک یقین نہیں آ رہا۔

𝗪𝗮𝗹𝗸𝗶𝗻𝗴 𝘁𝗵𝗲 𝘁𝗮𝗹𝗸, 𝗳𝘁. 𝗝𝗲𝗺𝗶𝗺𝗮𝗵 𝗥𝗼𝗱𝗿𝗶𝗴𝘂𝗲𝘀 😎

She said Navi Mumbai is #TeamIndia`s home and proved it with an innings of a lifetime to seal a spot in the #Final. 🔥

Get your #CWC25 tickets 🎟️ now: https://t.co/vGzkkgwpDw #WomenInBlue | #INDvAUS |… pic.twitter.com/Hcfa9e0Yi5

— BCCI Women (@BCCIWomen) October 31, 2025

غور طلب ہے کہ ہندوستانی خواتین ٹیم نے آسٹریلیا کو شکست دے کر ایک روزہ میچوں کی تاریخ کا سب سے بڑا ہدف ۳۳۹؍ رنز کامیابی سے حاصل کر لیا۔ شیفالی ورما کے آؤٹ ہونے کے بعد جمائمہ  روڈریگیز دوسرے اوور میں تیسرے نمبر پر بلے بازی کے لیے میدان میں آئیں اور آخر تک ۱۲۷؍ رن بنا کر ناٹ آؤٹ رہیں۔ 
 جمائمہ  روڈریگیزنے بتایا کہ  ایسا لگا تھا کہ میں نمبر پانچ پر بیٹنگ کروں گی۔ میں نہا رہی تھی اور ٹیم میٹنگ چل رہی تھی۔ میں نے کہا، بتا دینا۔ میچ شروع ہونے سے پانچ منٹ قبل بتایا گیا کہ میں نمبر تین پر جاؤں گی۔ میں نے اپنے بارے میں نہیں سوچا۔ یہ میرے لئے اپنے آپ کو ثابت کرنے کا موقع نہیں تھا، بلکہ ہندوستان کو جت دلانے کا تھا کیونکہ کئی بار ہم اہم موقع پر ہار چکے تھے۔ میں نے سوچا کہ مجھے آخر تک ڈٹے رہنا ہے اور ٹیم کو جتانا ہے۔  
  انہوں نے مزید کہا کہ پچھلی بار (۲۰۲۲ء میں) مجھے ورلڈ کپ سے باہر کر دیا گیا تھا۔ اس بار میں نے سوچا کہ بس کوشش کروں گی  لیکن حالات بگڑتے ہی چلے گئے اور میرے ہاتھ میں کچھ نہیں تھا۔ خوش قسمتی سے میرے آس پاس کچھ بہترین لوگ تھے جنہوں نے مجھ پر بھروسہ رکھا۔ اس پورے دورے میں میں تقریباً ہر دن روئی ہوں۔ ذہنی طور پر یہ بہت پریشان کن وقت تھا، بہت زیادہ پریشانی رہی۔ ٹیم سے باہر ہونا ایک اور صدمہ تھا۔ میں بس میدان میں موجود رہنا چاہتی تھی، باقی سب خدا نے سنبھال لیا۔  

یہ بھی پڑھئے:ایشیا کپ کے بعد ایک بار پھر ہندوستان اور پاکستان دوحہ میں ۱۶؍ نومبر کو آمنے سامنے

انہوں نے بتایا کہ جب ہیری دی (ہرمن پریت) آئی تو ہم نے کہا کہ ایک لمبی پارٹنرشپ چاہیے، رنز خود ہی آ جائیں گے۔ بعد میں جب دپتی آئی تو وہ مجھے باتوں سے مسلسل حوصلہ دیتی رہیں۔ رِچا آئی تو اس نے ماحول ہلکا رکھا۔ میں بہت خوش نصیب ہوں کہ جب میں خود کو سنبھال نہیں پاتی تو میرے ساتھی مجھے آگے بڑھاتے ہیں۔ اس جیت کا کریڈٹ میں اکیلے نہیں لے سکتی۔ یہ بہت مشکل تھا لیکن میں نے کوشش کی کہ آخری گیند تک پرسکون طریقے سے کھیلتی رہوں۔ جیسے ہی اسکرین پر دیکھا ہندوستان پانچ وکٹ سے جیت گیا تو میں خود کو روک نہیں پائی۔