ہانگزو ایشین گیمز میں مکسڈ ڈبلز گولڈ میڈل جیتنے کے بعد اعتماد سے بھری ہندوستانی ٹینس کی نئی سنسنی روتوجا بھوسلے اب ۲۰۲۴ء کے پیرس اولمپکس میں جگہ بنانے کا ارادہ رکھتی ہیں۔

ہانگزو ایشین گیمز میں مکسڈ ڈبلز گولڈ میڈل جیتنے کے بعد اعتماد سے بھری ہندوستانی ٹینس کی نئی سنسنی روتوجا بھوسلے اب ۲۰۲۴ء کے پیرس اولمپکس میں جگہ بنانے کا ارادہ رکھتی ہیں۔ رتوجا نے کہاکہ میں نے پیرس اولمپکس پر نظریں مرکوز کی ہیں۔ ٹینس میں دیگر کھیلوں کی طرح کوئی بھی ایشین گیمز میں جیتنے کے باوجود اولمپک کوٹہ بک نہیں کرسکتا۔ مجھے اپنی رینکنگ کو بہتر کرنا ہے اور ۳۲۰؍ سے ٹاپ ۲۰۰؍ تک جانا ہے۔
 رتوجا نے پنیت بالن( چیئرمین، پنیت بالن گروپ ) کی طرف سے مبارکباد دینے پر ردعمل کا اظہار کیا۔ اس موقع پر مہاراشٹر رنجی کرکٹ ٹیم کی سابق کپتان جانوی دھاریوال بالن اپنے شوہر سوپنل گگلے اور والدہ کے ساتھ موجود تھیں ۔ انہوں نے کہاکہ ’’ہندوستان کی نمائندگی کرنا اور ۱۳؍ سال کے طویل عرصے کے بعد مکسڈ ڈبلز میں ایشیائی کھیلوں کا گولڈ میڈل جیتنا میرے اور روہن بوپنا کے لئے فخر کا لمحہ تھا۔ میں ان تمام مدد اور تعاون کیلئے شکر گزار ہوں جو ہمیں پوڈیم پر لانے کیلئے ملی ہیں۔‘‘