انٹر نیشنل اولمپک کمیٹی کی ایگزیکٹیو کمیٹی نے منظوری دی۔ پیر کو ووٹنگ کے بعد اعلان ہوگا۔

لاس اینجلس میں ہونے والے ۲۰۲۸ء گیمز کے پروگرام میں کرکٹ کو شامل کرنے کیلئے کرکٹ کو انٹرنیشنل اولمپک کمیٹی کی ایگزیکٹیو نے منظوری دے دی ہے، اس کا اعلان جمعہ کو کیا گیا۔ درحقیقت، کرکٹ، جو ہندوستان اور ایشیا میں بڑے پیمانے پر کھیلا جاتا ہے،  شائقین اسے بہت پسند کرتے ہیں۔ آپ کو بتاتے چلیں کہ کرکٹ کو پہلی بار۱۹۰۰ء کے کھیلوں میں شامل کیا گیا تھا۔ اب کرکٹ ایک بار پھر اولمپکس میں لوٹنے کیلئے  تیار ہے  تاہم  تمام نئے کھیلوں کو۲۰۲۸ء گیمز میں جگہ کی ضمانت دینے سے پہلے پیر کو اس تعلق سے ووٹنگ ہوگی۔ ہم نے کرکٹ کی بڑھتی ہوئی مقبولیت، خاص طور پر ٹی ۲۰؍ فارمیٹ اور ۵۰؍ اوور کو دیکھا ہے۔ ورلڈ کپ بھی بہت مقبول ہے۔ یہ کامیاب رہا ہے۔ 
 اگر اس کی منظوری دی گئی تو کرکٹ۱۹۰۰ء کے بعد پہلی بار اولمپکس کا حصہ ہو گی۔ لاس اینجلس اولمپک آرگنائزنگ کمیٹی نے مردوں اور خواتین کے زمرے میں ۶؍ ٹیموں کے ٹورنامنٹ کی تجویز پیش کی ہے، جس کی میزبانی امریکہ کرے گا، حالانکہ ٹیموں اور اہلیت کے عمل کے بارے میں حتمی فیصلہ بعد میں کیا جائے گا۔ آئی او سی کے کھیلوں کے ڈائریکٹر کٹر میک کونل نے کہا کہ تجویز یہ ہے کہ ٹیم گیمز میں فی ایونٹ میں ۶؍ ٹیمیں ہوں، ٹیموں کی تعداد اور اہلیت پر ابھی تک تفصیل سے بات نہیں کی گئی ہے، اس کا فیصلہ ۲۰۲۵ء کے آس پاس کیا جائے گا۔  `ابھی  یہ  صرف تجویز کا مرحلہ ہے۔ آئی او سی کے پہلے اجلاس میں اس پر بات کی جائے گی۔ قابل ذکر ہے کہ۱۲۸؍ سال قبل۱۹۰۰ء میں کرکٹ کو پیرس سمر اولمپکس میں جگہ ملی تھی جس میں میزبان فرانس اور برطانیہ نے حصہ لیا تھا۔ دونوں ٹیموں کے درمیان گولڈ میڈل کیلئے ایک میچ کھیلا گیا جس میں برطانیہ نے یہ میچ ۱۵۸؍ رن سے جیت کر اولمپکس میں کرکٹ کا پہلا اور واحد گولڈ میڈل جیتا تھا۔ یہ مقابلہ ۲؍ روز تک جاری رہا تھا۔