آرسنل کی فٹبال ٹیم نے اپنی شاندار کارکردگی کی بدولت انگلش پریمیرلیگ کے پوائنٹس ٹیبل پردفاعی چیمپئن لیورپول سے ٹاپ پوزیشن چھیننے کے بعد تاحال برقرار ہےجبکہ مانچسٹر سٹی کی ٹیم دوسرے اور آسٹن ولا کی ٹیم تیسرے نمبر پر موجود ہے۔

آرسنل کی فٹبال ٹیم نے اپنی شاندار کارکردگی کی بدولت انگلش پریمیرلیگ کے پوائنٹس ٹیبل پردفاعی چیمپئن لیورپول سے ٹاپ پوزیشن چھیننے کے بعد تاحال برقرار ہےجبکہ مانچسٹر سٹی کی ٹیم دوسرے اور آسٹن ولا کی ٹیم تیسرے نمبر پر موجود ہے ۔ دفاعی چیمپئن لیورپول کی ٹیم کی تنزلی کا سلسلہ جاری ہے اور وہ دسویں نمبر پر چلی گئی ہے۔ 
 اب تک کھیلے جانے والے میچز کے بعد آرسنل کی ٹیم کے سب سے زیادہ ۳۳؍پوائنٹس ہیں اور وہ ای پی ایل کے پوائنٹس ٹیبل پر ٹاپ پوزیشن پر برقرار ہے۔ مانچسٹر سٹی کی ٹیم ۳۱؍ پوائنٹس کے ساتھ دوسرے اور آسٹن ولا کی ٹیم۳۰؍ پوائنٹس کے ساتھ تیسرے نمبر پر موجود ہے ۔ دفاعی چیمپئن لیورپول کی ٹیم تنزلی کے بعد دسویں نمبر پر چلی گئی ہے۔  انگلش پرییمیر لیگ کے ۳۴؍ویں سیزن کے انتہائی دلچسپ اور کانٹے دار مقابلوں کا سلسلہ انگلینڈ میں جاری ہے۔ 

Simply breathtaking...

11 years ago today, Aaron Ramsey scored one of the greatest Champions League goals you`ll see 😍 pic.twitter.com/o5s9iEjKuM

— Arsenal (@Arsenal) December 9, 2025

یہ مجموعی طور پر ٹاپ فلائٹ انگلش فٹبال کا ۱۲۷؍واں ایڈیشن ہے ۔ لیگ میں شامل تمام ۲۰؍ ٹیموں نے اپنے۱۵۔۱۵؍ میچز کھیل لئے ہیں ۔ آرسنل کی ٹیم ۱۵؍ میچز کھیل چکی ہے اور ۱۰؍میچ میں فتح حاصل کی ہے اور وہ سب سے زیادہ ۳۳؍ پوائنٹس کے ساتھ ٹاپ پوزیشن پر برقرار ہے ۔ مانچسٹر سٹی کی ٹیم نے بھی ۱۵؍ میچز کھیلے ہیں جن میں اس کو۱۰؍ میچز میں فتح نصیب ہوئی اور وہ ۳۱؍پوائنٹس کے ساتھ دوسرےنمبر پر ہے۔ 

یہ بھی پڑھئے:عمر کے ساتھ نکھر رہے ہیں اکشے کھنہ ، رنویر سنگھ کو پیچھے چھوڑ دیا

آسٹن ولا کی ٹیم ۳۰؍ پوائنٹس کے ساتھ تیسرے نمبر پر موجود ہے۔ کرسٹل پیلس کی ٹیم نے بھی ۱۵؍ میچز کھیلے ہیں اور۷؍ میں کامیابی حاصل کی ہے تاہم ۲۶؍ پوائنٹس کے ساتھ وہ چوتھے نمبرپر ہے۔اسی طرح چیلسی اور مانچسٹر یونائٹیڈ کی ٹیموں کے۲۵۔۲۵؍ مساوی پوائنٹس ہونے کے ساتھ یہ ٹیمیں بالترتیب پانچویں اور چھٹے نمبر پر ہیں۔ ایورٹن کے ۲۴؍ پوائنٹس ہیں اور وہ ٹیبل پر ساتویں نمبر پر پہنچ گئی ہے۔ 

یہ بھی پڑھئے:پیراماؤنٹ اور نیٹ فلکس کے درمیان جنگ چھڑ گئی، وارنر برادرز کو کون جیتے گا؟

اسی طرح برائٹن اینڈ ہوو البیون، سندرلینڈ اور دفاعی چیمپئن لیورپول کے ۲۳۔۲۳؍ پوائنٹس مساوی ہیں اور وہ ٹیبل پر بالترتیب آٹھویں ، نویں اور دسویں نمبر پر ہیں۔ وولور ہیمپٹن کی ٹیم بھی ۱۵؍ میچز کھیل چکی ہے اور ۱۵؍ میچز میں سے تاحال کوئی میچ نہیں جیت سکی ہے ۔واضح رہے کہ انگلش پریمیر لیگ کے رواں سیزن میں شامل ۲۰؍ کلبوں کی ٹیموں میں دفاعی چیمپئن لیورپول،آرسنل،آسٹن ولا،بورن مائوتھ،برینٹ فورڈ،برائٹن اینڈ ہوو البیون،برنلے،چیلسی،کرسٹل پیلس،ایورٹن،فلہم،لیڈز یونائیٹڈ،مانچسٹر سٹی،مانچسٹر یونائیٹڈ،نیوکیسل یونائیٹڈ،ناٹنگھم فاریسٹ، سنڈرلینڈ،ٹوٹنہم ہاٹ پور،ویسٹ ہیم یونائٹیڈ اور وولور ہیمپٹن شامل ہیں۔