بائیں ہاتھ کے بلے باز کو گھر پر کپڑے دھوتے ہوئے دیکھا جاسکتاہے جبکہ ان کی بیوی میک اپ کرنے میں مصروف ہے

ہندوستانی کرکٹ ٹیم کےسرکردہ بلے باز اور اوپنرشکھر دھون نے انسٹاگرام  پر ایک مضحکہ خیز ویڈیو ڈالا جس میں انہیں کپڑے دھوتے ہوئے دیکھا جا سکتا ہے۔ شکھر دھون کے  اس ویڈیو پر  وارنر نے تبصرہ کرتے ہوئے کہا کہ میں تمہارا درد سمجھ سکتا ہوں۔
  شکھر کے ساتھ باقی کرکٹرس بھی فی الحال خود آئيسولیشن میں اپنے گھروں میں بند ہیں۔ کورونا کے قہر نے دنیا کے تمام کھلاڑیوں اور ایتھليٹس کو گھر پر خود کو قید تنہائی  میں  رہنے پر مجبور کردیا  ہے۔ ایسے میں اس وائرس سے بچنے کا ایک ہی طریقہ ہے کہ جتنا ہو سکے آپ کو گھر پر ہی رہنا ہے۔ کرکٹرس سے لے کر دوسرے ایتھليٹس اب سوشل میڈیا پر کافی فعال ہو گئے ہیں جہاں وہ روزانہ کوئی نہ کوئی ویڈیو اپ لوڈ کر رہے ہیں۔ اس فہرست میں شريس ایّر سے لے کر شکھر دھون اور دوسرے کرکٹرس شامل ہیں۔شکھر دھون حال ہی میں اپنی انجری سے صحت یاب ہونے کے بعد  ہندوستان اور جنوبی افریقہ سیریز میں شرکت کرنے والے  تھے لیکن کورونا کی وجہ سے یہ سیریز منسوخ ہو گئی۔اب یہ کھلاڑی گھر میں بیٹھ کر کپڑے دھو رہا ہے۔
 انسٹاگرام پر ڈالے گئے اس ویڈیو میں صاف دکھ نظر آرہا  ہے کہ شکھر دھون کپڑے دھو رہے ہیں تو وہیں ان کی بیوی میک اپ کر رہی ہے۔ دھون کے اس ویڈیو میں ایک گانا بھی بج رہا ہے جس کے بول ہیں، `جب سے ہوئی ہے شادی آنسو بہا رہا ہوں آفت گلے پڑی ہے اس کو نبھا رہا ہوں۔دھون فی الحال خود تنہائی میں اپنی بیوی اور بچوں کے ساتھ ہیں۔ ویڈیو میں۳۴؍ سالہ دھون کو باتھ ٹب میں بیٹھے ، کپڑے دھوتے ، آئینے کے سامنے میک اپ میں مصروف اپنی اہلیہ کے سامنے ہاتھ جوڑتے اور ٹوائیلٹ صاف کرتے ہوئے دکھایا گیا۔