کرسٹیانو رونالڈو نے ایک بار پھر ثابت کر دیا کہ عمر محض ایک عدد ہے۔ ۴۰؍ سالہ پرتگالی اسٹار نے اتوار کو سعودی پرو لیگ میں النصر کی جانب سے ایک دلکش بائیسیکل کک گول داغ کر اپنی ٹیم کو ال خلیج کے خلاف۱۔۴؍گول کی شاندار جیت دلائی۔

 کرسٹیانو رونالڈو نے ایک بار پھر ثابت کر دیا کہ عمر محض ایک عدد ہے۔ ۴۰؍ سالہ پرتگالی اسٹار نے اتوار کو سعودی  پرو لیگ میں النصر کی جانب سے ایک دلکش بائیسیکل کک گول داغ کر اپنی ٹیم کو ال خلیج کے خلاف۱۔۴؍گول  کی شاندار جیت دلائی۔ یہ اُن کے کریئر کا۹۵۴؍واں گول بھی تھا - ایسا گول جو فٹبال کی تاریخ میں ایک اور یادگار لمحہ بن گیا۔ یہ میچ رونالڈو کے اُس متنازع ریڈ کارڈ کے بعد پہلا میچ تھا جو انہیں آئرلینڈ کے خلاف ملا تھا، لیکن انہوں نے بہترین انداز میں واپسی کرتے ہوئے اپنی کلاس اور صلاحیت کا بھرپور مظاہرہ کیا۔ سعودی پرو لیگ کے نئے سیزن میں النصر کا سفر پہلے ہی بہترین تھا، آٹھ میں سے آٹھ فتوحات کے ساتھ۔ ال خلیج کے خلاف بھی آغاز سے ہی میچ النصر کے نام رہا۔

Call it skill, call it instinct… we call it Ronaldo 🐐💛 pic.twitter.com/diFN85oBCI

— AlNassr FC (@AlNassrFC_EN) November 23, 2025

رونالڈو نے دو بار گول کے قریب پہنچنے کی کوشش کی ، ایک بار جواؤ فیلکس کی بہترین پاس پر لمبے شاٹ  اور دوسری بار قریب سے ایک زبردست موقع جسے گول کیپر انتھونی مورس نے روکا۔ تاہم، جلد ہی اینجلو کی دقیق کراس پر فیلکس نے پہلا گول کر ہی دیا  اور چند لمحوں بعد ویسلی نے اسکور ۰۔۲؍گول کر دیا۔

یہ بھی پڑھئے:کوٹہ، راجستھان: ہندوستان کا بغیر ٹریفک سگنلز والا پہلا شہر

دوسرے ہاف کے آغاز پر ہی مراد الحوساوی نے شاندار گول کر کے اسکور۱۔۲؍گول کر دیا۔ اس دوران ال خلیج نے دباؤ بھی بنایا اور کئی کوششیں کیں جنہیں نواف العقیدی نے روک لیا۔ النصر نے ایک بار پھر میچ پر کنٹرول حاصل کیا جب سادیو مانے نے ایک خوبصورت لابڈ شاٹ لگا کر اسکور ۱۔۳؍ کر دیا۔ اس کے بعد ال خلیج کے دیمتریوس کوربیلس کو سیدھا ریڈ کارڈ ملا  اور میچ پوری طرح النصر کے حق میں چلا گیا۔

یہ بھی پڑھئے:بالی ووڈ کے عظیم اداکار دھرمیندر کا ۸۹؍ سال کی عمر میں انتقال

نواف بوشل کی پرکشش کراس پر رونالڈو نے فضا میں اچھل کر دلکش بائیسیکل کک لگائی، ایک ایسا گول جس نے اسٹیڈیم کو جھنجھوڑ کر رکھ دیا۔ جواؤ فیلکس نے ایک گول اور ایک اسسٹ کے ساتھ اپنی شاندار فارم برقرار رکھی  اور رونالڈو نے بھی لیگ میں اپنا ۱۰؍واں گول اسکور کر کے پوری دنیا کو دوبارہ اپنی عظمت یاد دلا دی، یہ فتح النصر کی مسلسل ۹؍ویں جیت تھی اور رونالڈو کا بائیسیکل کک گول یقیناً سیزن کے بہترین گولز میں شمار کیا جائے گا۔